قصيدة بحق أمير المؤمنين(ع)

أمس بيك أحلمت ياعزة الروح = ولهسه آنه بفرح متعطر بياس
يحن كلبي إلك يومية وينوح = وصبح بيك آنه شوكي وحبي ينقاس
أنه هموم الوكت أنساهه وتروح = إذا أدخل حضرتك وأشتم أنفاس
وياك العشك كل لحظة مسموح = لأن عشكك شرف بي أرفع الراس
إذا كلمن يجيلك يملك جروح = يرد طيَب ويحمل أجمل أحساس
أريدن يم حضرتك أبقى مطروح = وتشرفني آنه أثبَت يمك الساس
الجوارح ياعلي مارادت تبوح = لأن حبي آنه ردته سري عالناس
شغف حبك لجن خلاني مفضوح = مثل أللي يدك بيديه الأجراس
علي وحبك ملاذ الهل مساكين = شوصفك بالشعر والله آنه محتار
علي سيف الرسول بكل الحروب = وتشهدلة المعارك سيفه بتار
علي باب اليتامة البابه مفتوح = علي الما ردلة سائل مره محتار
فقط طاري أسمك انته يهز الأبدان = أسم حيدر حرز وتهابه الأشرار
وإذا تسأل عليه وقت الحرب ليث = منو يظل عدل لو طب بيده فقار
علي أكبر شفيع بيوم الحساب = بعد طه الرسول الكل الأخيار
يفوز وينجه باجر من الأهوال = كلمن وآله حيدر وآلة الأبرار

الكلمات / محمد العلوي البغدادي