العودة   منتدى جامع الائمة الثقافي > القسم الأدبي > منبر القصة القصيرة

منبر القصة القصيرة قصص هادفة ومواضيع القصة القصيرة

إنشاء موضوع جديد  إضافة رد
 
Bookmark and Share أدوات الموضوع انواع عرض الموضوع
قديم 19-01-2012, 10:51 PM   #1

 
الصورة الرمزية الاخوة

الملف الشخصي
رقــم العضويـــة : 20
تـاريخ التسجيـل : Oct 2010
العــــــــمـــــــــر :
الـــــدولـــــــــــة : عاصمة دولة العدل الالهي
االمشاركات : 2,667

افتراضي قصة حقيقية لناجي من ايدي العصابات التكفيريه

قبل ايام قلائل وفي ازدحام افواج المسافرين على العراق الحبيب
وصل صاحبنا فؤاد من ايران الإسلامية وهو يأمل التحاق بزوار الاربعين وفي قلبه حنين لبلده وكذا رؤية صاحبه العزيز
الاستاذ رعد مدرس في ثانوية البنين (........)في مدينة(............)العراقية الا انه و بمحض الصدفة نسي امواله التي اذخرها لهذا السفر وتذكر بعد المغادرة
ووصله بالقرب من مدينة(...........)الحدودية مع العراق وهو يكلم نفسه خلف مقود السيارة :ارجع ابسرعة او اجيب الفلوس بس اشلون اللحك على الزيارة ؟؟؟؟؟؟؟.
وفي هذه الاثناء سقط من درج السيارة صورة صغير وهو يبحث عن جواز سفرة ليقدمه الى ضابط الحدود الايراني كانت لصاحبه رعد اثناء الشباب في منطقة قريبه على الضفة المقابلة للنقطة الحدودية
دفعته لحسم امره :راح اروح والله كريم انشاله ابو الحسنين مي خيبني او كيد رعد اخوي يوكفلي بعد ما كو وكت او هو ينتظرني واتفوتني الزيارة.
لحسن حظه كان لديه احد الاصدقاء يسكن داخل بالقرب من السيطرة وضع سيارته عنده ومن ثم استلف اموال الاجرة لتوصله الى دار صاحبه واجتاز الحدود الى داخل العراق
كانت ملامح الطريق تعصف بمخيلته وتصب سيل من مشاعر الانتماء و تغسل اوساخ الغربة كل الأم التي تطوق وليدها لتغدوه من عطفها فراح لسانه ودمعه النازل على خديه قائلا: والله ترابك بي ريحة اهل البيت
وابوي او مي او كل اهل عشيرتي وين اكو مثلك الله ينتقم كل الي عاديك بحق ابو الحسن علي . وانفجر بالأنين والبكاء بحيث ادهش الراكبين معه في سيارة الاجرة ولكن راحوا بتلك الروح الأخوية للعراقيين يأخذون بخاطره حيث احدهم يقول :لا تبجي احنه اهلك تجي يمنه .
والاخر : ايروحلك فدوه الهدام او ربعه وحنه اخوتك ما كو داعي للبجي
وامرأه كبيره وهي تقول :ابني هي اجديده اهلنه او اهل اهلنه هم اتهجروا من الكبل الى هسه العراقيين مظلومين
مسح على دمعه واستقر وشكر الراكبين معه لكنه ظل يتذكر و يقلب صفحات الذاكرة الى انقطع تسلسل افكاره صوت احد الراكبين :تره اوصلنه رايح الى مكان ؟؟؟؟؟ ليش ما اتبات عندي ؟؟؟؟؟؟؟؟؟
اجابه فؤاد :مشكور والله طيبكم لو افر الدنيه كله ما الكه مثله . ومن ثم ترجل من السيارة ليركب الاخرى الى المحافظة التي يسكن فيها صديقه رعد
وبعد قليل من المسير نام صاحبنا الى ان استيقظ في منتصف الليل على مشارف تلك المدينه التي كانت على درب الزائرين سيرا الى ابي عبد الله الحسين عليه السلام وهم يصيحون ويصلون باعلى الاصوات على النبي واله وصوت الاسعاف
يتردد وكذلك كثرة الحشود فسال السائق عن بطيء السير وماذا يحدث اجابه السائق : هذوله النواصب واحد منهم فجر نفسه وهذه اشلاء القتلاء .
كله صاحبنه :واشمدريك ايجوز امريكا امرتبته؟؟؟؟؟.فجأة تغير شكل السائق وقال :هاي انتوا بعدكم ابه اسواف امريكا شعليه او بعدين هي طلعت اشوكت الله ايخلصنه من عدكم ؟؟؟؟؟؟؟؟.
انتفض صاحبنا وهو يقول :ولك اني عراقي او هذه كاعي واذا بيك حض كدرتك على الامريكي مو على اخييك . ولولا حال الركاب بينهما لحصل بينهم معركه الا انها عدت بخير وعاد كل منهما الى مقعده
وصل صاحبنا على راس شارع بيت رعد الى حيث بيتهم القديم وهو كان يعلم انه قد انتقل والان يسكن اخيه الاصغر فيه الا انه لا يعلم كيف يصل الى مسكن رعد الجديد فطرق الباب
خرج رجل في الخمسينيات اختط شاربه بقصه تشبه شوارب الطاغية الالماني هتلر وهي موديل من القصات القديمة وهو يلبس بجامه قديمة التصميم وكان غاضبا لان صاحبنا يطرق الباب في ساعة السابعة صباحا
فجأة احتضنه فؤاد حيث كان من حسن حظه ان رعد يقيم في بيت العائلة القديم ايام الزيارة لأنه قريب على موكب نصبته العائلة لخدمة الزائرين
تلقاه بالأحضان ولم يسمع اهل البيت الا البكاء وكلمات :اخوي :مشتاقك . مع احتضان وانين سيل من الذكريات من هروب اصدقاء ثلاثة من جيش الهدام وهم علي وفؤاد ورعد الى ان حكم على رعد في محاكم البعث الهدام واللحق بالجيش بعد صدور عفو راسي اجبر كل من الصديقين الفرار احدهما فؤاد الى ايران والاخر على الى احد احياء بغداد كانوا محل ثقة كل واحد للأخر اخوة لا تفرقهم حتى حملات المداهمات الليلية على المنطقة من البعثيين كم سنه مرت منذ اخر لقاء اي من بداية الحرب بالنيابة على ايران الى 2012 الانه كان يتبادل الرسائل بالخفية مع اصحابه وقد التقى صاحبه على وهو يريد زيارة الامام الرضا عليه السلام
وبعد العناق والتعارف مع اولاد رعد وجلوسه وحديثه عن مقلب نسيان امواله حاول رعد تركه لينام في غرفة الضيوف التي كان اعدها لو الا انه توقع وصوله ظهرا لازدحام الطرق بالزائرين
الا ان فؤاد اصر ان يذهب معهم الى الموكب والشروع في الخدمة ما امكنه والتقاء من تبقا من معارفه في المنطقة في الموكب وتحت اصراره توجهوا الى الموكب حتى انه اخذ ملابسه التي اعدها له وعزم ان يغتسل ويرتدي ملابسه في الموكب
وصلوا وكان الشارع مزدحم الى اخرة وبعد الغسل وتغيير الملابس توسطوا قاعة الزائرين وقد جلب لهم شباب الموكب طعام الافطار وكان متعدد الاصناف فظن فؤاد ان ما قدموه له شيء وللزائرين شيء اخر
فقام قائلا: ريد من اكل الزوار الي بيه البركة .
اجابه رعد :روح اتمشه للشارع اوو شوف شمقدمين الهم او جيبلنه من عنده.
خرج من القاعة ليجد العشرات يجلسون على فراش على الارض وهم يأكلون مما يأكل فضرب ايد بيد وهو يعود قائلا:والله مثل كرمنه ماكوا.
فدار حديث عن العراق والوجود الامريكي اثاره من خلال حادثة سائق الاجرة والتفجير الارهابي فراح رعد يقول وبسرعه :ارتاحوا الربع خلوا امريكا تطلع بعد منوا يحمينه من هذوله الارهابيه؟؟؟؟؟؟؟.
اجابه فؤاد :كله هاي انتوا اشبيكم عمي هي امريكا اصل المصيبة واس البلاء.
قال رعد :عمي انت اشمدريك اليوم اوصلت اوصرت تحجي مثل هذوله الناس .
كان رعد لم يرى علي منذ سقوط الصنم واحتلال العراق بسبب خطورة الطريق وحصول عمليات القتل الطائفي الى اخره
فقال فؤاد :اني احجيلك الي صار وي علي قبل سنتين
طلع ابسيارته وره اشويه قطعت عليه الطريق سيارتين
شايلين اسلحة او ملثميين نزلوا او اخذوه بسيارتهم بعد ما ربطواديه او سدوا اعيونه
الى ان وصلوا الى مكان فتحوا اعيونه ويشوف عشرين واحد امربطين دايرهم زلم شايلين حربات ويريدون ايذبحوهم
او بيناتهم واحد من حجيه ايبين عليه امير الجماعة
كام يبجي شافه امير الجماعة كللهم فك حبله او جيبوا يمي
كله الامير ليش تبجي ؟؟؟؟؟؟ انته مو رجال ؟؟؟؟؟؟؟؟كله اني مو ابجي عله نفسي ابجي عله مرتي او بناتي.
بعدين سمع صوت دبابه أمريكية كال ابنفسه اجه الفرج
واذا ينزل الضابط او يدخل البيت ويحجي ويه الجماعة عن طريق المترجم يسألهم انت اشكد اذبحت ونت اشكد اكتلت ؟؟؟؟
صاحبنه ايس من الحياة وره اشويه جان ايوزع ورق ابو الميه دولارات تقريبا كل واحد اخذ عشر اوراق او سبعه يعني ورقه على كل راس ولي ما ذابح ينطي ورقتين والي ايضحك انطه علي ورقتين
لانه جان واكف قريب من اشجم واحد ما ذابحين ما مربط بحبل المهم تدري اشسوه علاوي
اثناء هذه الكلمات رعد فتح فمه واصابته الدهشه مع بعض الحاضرين كأن على رؤوسهم الطير
اكمل فؤاد :شال الورقتين وانطاهه للامير مالتهم كله ليش هجي سويت كله بعد اشويه راح اذبحوني وي الجماعة او اني شسوي بالورقتين احسن مياخذوهه ربعك انطيكياهه الك
وكفت هذه الحجايه عند الامير مالتهم كللهم هذه عيفوا وترجعوا باجر للمكان الي جبتوا من عنده
ما اطول عليك السالف البقيه ذبحوهم والامريكي يتفرج
او صاحبنه رجعوا وين ما خطفوا او دز ابنه مهند ايجيب السيارة مالته ويه الشرطة لكوهه سالمه ما بيه شي.
ظل رعد شاخص البصر فلو قال له هذا الكلام احد اخر لكذبه مهما اتى بدليل الا ان فؤاد ثقته ولا يستطيع تكذيبه
فظل صامتا
فبادر فؤاد قائلا: اكل خويه رعد هاي مو جديده احنه الا ينكتل الحسين ياله انصيح حي على الجهاد.....
ظل ايام فؤاد وبعد الزيارة عاد شاكر حسن الضيافه وهو على مقعد السيارة العائده به وتتردد كلمات على قلبه :الى حد هسه منعرف العدو من الصديق جا شوكت نعرف؟؟؟؟؟؟؟؟؟؟؟؟؟؟؟؟؟؟؟

ملاحظه:القصة سمعتها شخصيا وهي حقيقية الا اني كتبتها بتصرف والعهدة على الناقل

 

 

 

 

 

 

 

 

توقيع »

التعديل الأخير تم بواسطة الاخوة ; 07-12-2013 الساعة 02:16 PM
الاخوة غير متواجد حالياً   رد مع اقتباس
قديم 20-01-2012, 12:17 AM   #2

 
الصورة الرمزية الراجي رحمة الباري

الملف الشخصي
رقــم العضويـــة : 24
تـاريخ التسجيـل : Oct 2010
العــــــــمـــــــــر :
الـــــدولـــــــــــة : بغداد
االمشاركات : 11,036

افتراضي رد: قصة حقيقيه لناجي من ايدي العصابات التكفيريه

الاخ الغالي الاخوة
ابارك لك هذا الطرح الجميل والتسلسل الشيق في نقل القصة
وان ما ذكرت لهو عين الصواب
فمتى ارادت امريكا الملعونة مصلحة الشعوب ؟!!
الم يكن النواصب ( الوهابية ) صنيعة الاستعمار ؟
اليست امريكا هي الشيطان ؟
فعجبا عجبا لمن يحسن الظن بالشيطان

 

 

 

 

 

 

 

 

الراجي رحمة الباري غير متواجد حالياً   رد مع اقتباس
قديم 20-01-2012, 11:21 AM   #3

 
الصورة الرمزية ابو احمد

الملف الشخصي
رقــم العضويـــة : 35
تـاريخ التسجيـل : Nov 2010
العــــــــمـــــــــر :
الـــــدولـــــــــــة : العراق
االمشاركات : 2,901

افتراضي رد: قصة حقيقيه لناجي من ايدي العصابات التكفيريه

انا لله وانا اليه رجعون
ان هذه القصة وغيرها الكثير تكشف لنا عظمة هذا القائد المحنك السيد مقتدى الصدر اعزه الله
اذ إنه شخص العلة الحقيقية منذ أن وطأت ارجل المحتل الكافر ارض العراق الحبيب والكل حينها كان في سبات ونوم عميق بل هم للموت اقرب
اذ قال بما مضمونة هناك ثلاث شعب يجب محاربتها والقضاء عليها
المحتل والبعث الكافر والنواصب عليهم لعائن الله
جزاك الله الف خير اخي العزيز
على النقل الشيق والجميل

 

 

 

 

 

 

 

 

توقيع »
ابو احمد غير متواجد حالياً   رد مع اقتباس
قديم 20-01-2012, 06:28 PM   #4

 
الصورة الرمزية ابو علي

الملف الشخصي
رقــم العضويـــة : 32
تـاريخ التسجيـل : Oct 2010
العــــــــمـــــــــر :
الـــــدولـــــــــــة : العراق
االمشاركات : 10,104

افتراضي رد: قصة حقيقيه لناجي من ايدي العصابات التكفيريه

الاخ الغالي الاخوة
جزاك الله الف خير على نشر هذه القصة
والتي تحمل بين طياتها الكثير من الدروس والعبر
وما على الفرد الا الالتفات للشيء القليل منها وبعدها يمكنه تمييز الحق من الباطل
اجدد شكري وتقديري لما نشر هنا

 

 

 

 

 

 

 

 

توقيع »
اللهم صل على محمد وال محمد وعجل فرجهم والعن عدوهم

ابو علي غير متواجد حالياً   رد مع اقتباس
قديم 20-01-2012, 07:03 PM   #5

 
الصورة الرمزية ابو محمد

الملف الشخصي
رقــم العضويـــة : 26
تـاريخ التسجيـل : Oct 2010
العــــــــمـــــــــر :
الـــــدولـــــــــــة : بلاد الأنبياء والمرسلين
االمشاركات : 9,045

افتراضي رد: قصة حقيقيه لناجي من ايدي العصابات التكفيريه

بوركت اخي على نقل هذه القصة
وكذلك قرأت قبل ايام في الفيس بوك نفس القصة مدعومة بأدلة
حول جلب العديد من الارهابيين الى العراق ايام وجود السفير الامريكي الناصبي الملعون زلماي زاده
وكذلك رأيت بنفسي صورة لعملية ذبح بعض الابرياء بحضور الجنود الامريكان عليهم اللعنة والعذاب
ولكن اسمعت لو ناديت حيا فلازال البعض يعتبر المحتل ملاكه المميز ومصدر خيره ورزقه ؟؟؟؟؟؟؟؟؟

 

 

 

 

 

 

 

 

ابو محمد غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



All times are GMT +3. The time now is 09:09 PM.


Powered by vBulletin 3.8.7 © 2000 - 2024