يا ملاذ الشيعة وينك

يا ملاذ الشيعة وينك ---- أيصير ما شافتنه عينك
ما تنهض يبن الاطهار ---- وبشيعتكم شوف أصار
===========================
يا ملاذ الشيعه وينك --- تغيب كل هاي السنين
أيصير ما شافتنه عينك --- وأنت غوث الخائفين
گوم وأنهض وفي دينك --- كافي بس نوح أونين
أيعينك الله وهم يعينك --- بهذا حال المسلمين
أبتديك بيا مصيبة --- ظاعت أحكام الشريعة
ضيعنه علوم الكرار ---- وبشيعتكم شوف أصار
----------------------------
هاي قصتنه الحزينة --- جنه ما بيه ورود
القدس راح من أدينه --- وسخرونا أهم جنود
بلوه يالمهدي أبتلينه --- شفنه جم عاد وثمود
شفنه أهات ومأسي --- تزول من عدها الرواسي
عشنه بحكم الأستعمار--- وبشيعتكم شوف أصار
-----------------------------
بغيبتك صرنه يغايب--- تشتعل مثل الشموع
نضوي بدروب الأجانب --- ونارنه بوسط الظلوع
الكفر جمع كتايب ---- وأحنا صرناله الدروع
ولا ولي غيرك يطالب --- ويأخذ بحگ الجموع
الكفر شاهر سلاحه --- بكل صلافة وكل وكاحة
ايذبح بينه صغار كبار --- وبشيعتكم شوف أصار
-------------------------------
فرق أصفوف الجماعة --- ريح ﭼن هاج بسعف
لبس أثياب الخلاعة --- ونزع أثياب الشرف
گام أيزيد أطلاعة --- نشوف عن دينه أنحرف
عدنه دين بلا مناعة --- مثل أموات النجف
هذا مقياس الحضارة --- بمجتمعنا يا خسارة
يا هو اليرضه بهل المعيار--- وبشيعتكم شوف أصار
---------------------------------
يمته يالغايب تجينه ---- طالت سنين الغياب
تشمتت عدوانه بينه --- ولا نرد نگدر جواب
نمشي ما ندري هوينه --- طحنه بحلوگ الذياب
وأنت يالمهدي السفينه --- وبيه ننجى من العذاب
بالعلم سمو فكرنه ---- الجهل جان أشرف ألنه
من هو أيغير هالأفكار --- ويشيعتكم شوف أصار
-----------------------------------
سيدي محنتنه محنه ---- تخطت بلوح القدر
من الظلم واليومك أحنه --- نعيش حرمان وقهر
ومن وگع محسن وگعنه --- بوادي ملبان بخطر
ولا بعد ينفع نصيحة --- سموا أرواح البشر
منكسر ظلع الزجية --- فتنة هاجت سامرية
هيجها أصواب البسمار --- وبشيعتكم شوف أصار
=========================