العودة   منتدى جامع الائمة الثقافي > القسم الأدبي > منبر الشعر الشعبي والقصيدة الولائية

منبر الشعر الشعبي والقصيدة الولائية واحة للشعر الشعبي العراقي والعربي

إنشاء موضوع جديد  إضافة رد
 
Bookmark and Share أدوات الموضوع انواع عرض الموضوع
قديم 06-05-2011, 08:36 PM   #1

 
الصورة الرمزية ابو بنين

الملف الشخصي
رقــم العضويـــة : 135
تـاريخ التسجيـل : Feb 2011
العــــــــمـــــــــر :
الـــــدولـــــــــــة : العراق
االمشاركات : 2,771

افتراضي بعد يا مهدي الزمان شتنتظر

بعد يا مهدي الزمان شتنتظر --- ما شفت زوار جدك على الجسر
==================================
عالجسر آلاف ماتت شيعتك --–- - ومن حلاة أرواحها أحظر نادتك
أيصير كل هالفاجعة ما هزتك ---- وحنا ردناك المثل هاذي نصر
---------------------------------
عالجسر ماتت الشيعة أمسممة ---- ونهر دجلة الشهد هاي الملحمة
لياوكت يبن الحسن ننزف دمه ---- يمته ينفذ عدكم وعدنه الصبر
---------------------------------
جثث فوك الجسر تصهرها الشمس --- والبعض بالماي گامت ترتمس
چم شاب المات من كَبل العرس ---- وچم يتيم اليوم گلبة المنكسر
----------------------------------
چم طفل چم طفلة يبن المصطفى ---- العاف حيدر أمه وعالشاطي غفه
يظل هذا الجرح ينزف ما شفه ---- مثل نحر حسين من حز الشمر
-------------------------------------
مثل هذا اليوم بس يوم الطفوف ---- هناك سبعين الگظوا وهنا ألوف
ألف هنياله اليموت وما يشوف ---- وأظن ما مرتاح حتى البلگبر
-------------------------------------
تظل شيعة حيدر توجه عتاب ---- تگول يا مهدينه شو طال الغياب
صرنه مثل الشاة بحلوگ الذياب --- وصرنه نطلب رحمة من أهل الكفر
--------------------------------------
الأمل بالله وبيك يا شبل الحسن ---- تدري شيعتكم قسه وياهه الزمن
تكوم من محنه وتگع بأربع محن --- ترضى دمهم يابو صالح ينهدر
----------------------------------------
ينهدر دم شيعتك شنهو السبب ---- واليحبكم كافر اليوم أنحسب
المصيبة التدعي أسلام وعرب --- تعتني تفجر نفسه وتنتحر
----------------------------------------
تعتني تفجر جميع الأبرياء ---- ما يهمهم لا رجال ولا نساء
تدري ما ظل بيت ما نصب عزاء – گوم شوف أشبينه يا راعي الأمر
-----------------------------------------
يا امام العصر يا مهدي الزمان ---- المصايب يعجز أيعدها اللسان
وحدة منعدهن تعيش بلا أمان ---- والفتن تغبش علينه من الفجر
----------------------------------------
أنلوذ بيك من الفتن يبن الحجج ---- وتنتظر يا يوم يا ساعة الفرج
سيدي عم الظلم ساد الهرج --- والفساد أنتشر بالبر والبحر
---------------------------------------
ما أظن يبن الحسن عينك تنام --- وتنظر الاسلام صاير لا سلام
لا حلال اليوم ظل ولا حرام --- والاخلاق العدنه بوجودك سيدي ما تندثر

 

 

 

 

 

 

 

 

توقيع »
ابو بنين غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مهدي , الزمان , شتنتظر


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



All times are GMT +3. The time now is 05:41 PM.


Powered by vBulletin 3.8.7 © 2000 - 2025