العودة   منتدى جامع الائمة الثقافي > القسم الأدبي > منبر الشعر الشعبي والقصيدة الولائية

منبر الشعر الشعبي والقصيدة الولائية واحة للشعر الشعبي العراقي والعربي

 
 
Bookmark and Share أدوات الموضوع انواع عرض الموضوع
Prev المشاركة السابقة   المشاركة التالية Next
قديم 01-10-2017, 10:06 PM   #1

 
الصورة الرمزية أبو باقر العَـلوي

الملف الشخصي
رقــم العضويـــة : 210
تـاريخ التسجيـل : Apr 2011
العــــــــمـــــــــر :
الـــــدولـــــــــــة : العراق النجف الأشرف
االمشاركات : 510

افتراضي قصيدة / الامام الحسين وعي وإصلاح

مو ذكرى ومجرّد كل سنة تعود
ومو بس عاده كون الفكر يتغيّر

خل ناخذ محرّم مو فقط سيف
ولا نكتب على البستان بس اخضر

الورگه التبقى صفره أطيـح بالريح
وحصاد لأي خريف تصير من يحضر

الغني بوعيه شيهزّه صخره صماء
عكس ذاك المجوّف سهله يتكسّر

إذا يمرض غصن خن گصه نرتاح
ولا ندفع الشجره والخسارة اكبر

تهذيب الخلق كل لحظة مريود
الزين بحسن خُلقه اليوم يتبختر

تعظيم الشعائر تقوى الگلوب
شرط .. من دون إساءة وخارج المحور

بأفعاله اليسيء السمعة الدين
شنو فرقه إعله ذاك الگاطع المَنْحَر

ولو .. هيَّ العقيدة اتريد واعيـن
متنفعه المظاهر فارغ الجوهر

الدرع وكت الحرب متقدره الاثمان
الميحصّن أفكاره بأي حرب يخسر

تعلمنا الرياح التعصف تفيـد
طبع طاحونة خيري اويه العصف يكثر

اليسكت عالفساد ايعيش مذلول
ويستفحل الطاغي ويبقى يتجبّر

حريق الغابة يبدي بجدحه من عود
المينهيها بلهب يلحگها من تسعر

كافي .. انغض طرف واستهتر الطيش
تاكل بينا الارضه واحنه نتنطر

ايموت اليجف دمّه أمّيّه برمال
ابحرْ صوابه يفزع لأجل ابو الأكبر

هيـچ الگلبه حار الثورة ( حسين )
همّت جدمه منها الگاع تتفطر

أي هيَّ المواقف تصنع ارجال
البور ابعينهم كل الفلح يزغر

الاساءوا ( للحسين ) بسوء الأفعال
دين الحجه منهم لو ظهر يثأر
....
#محمد_العلوي

 

 

 

 

 

 

 

 

أبو باقر العَـلوي غير متواجد حالياً   رد مع اقتباس
 

مواقع النشر (المفضلة)


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



All times are GMT +3. The time now is 11:49 AM.


Powered by vBulletin 3.8.7 © 2000 - 2025