العودة   منتدى جامع الائمة الثقافي > القسم الأدبي > منبر الشعر الشعبي والقصيدة الولائية

منبر الشعر الشعبي والقصيدة الولائية واحة للشعر الشعبي العراقي والعربي

إنشاء موضوع جديد  إضافة رد
 
Bookmark and Share أدوات الموضوع انواع عرض الموضوع
قديم 29-10-2016, 01:54 PM   #1

 
الصورة الرمزية الاقل

الملف الشخصي
رقــم العضويـــة : 211
تـاريخ التسجيـل : Apr 2011
العــــــــمـــــــــر :
الـــــدولـــــــــــة : العراق
االمشاركات : 12,641

افتراضي مثل أبو اليمه


الصدر مظلوم ... مثل أبو اليمه
كتب بدمـــــوم ... للبشر أسمــه
ياشيعة هذا الدين * كل ما تمر أسنين * يحتاج المضحين
مثل أبو اليمه
********************************************
(1)
ألك يالواعي أبينلك بألـــــــــــم وأحزان
وقائع تشبه أرض الطف بأرض كوفان
قصــــــت منبر وجمعة ولبس أچفــــان
ومثل ماظـــــل وحيــــد حسين بالميدان
بنفس سيف الذبح نحر السبط من چان
ذبحـــــوا بي صدرنه وذبحــــوا القرآن
الطبع بالناس ... تطلب الراحــــــة
الصدر وسيوف ... وحدة بالساحة
نادة لجميع الناس * واليمتلك أحساس * وين الگمر عباس
مثل أبو اليمه
(2)
لون عندك عقل وإتميز الحاصــــل
أخذ حذرك وأبد لاتتبع الباطــــــــل
شوف الأكبر بطف والدة إيقاتـــــل
وأنصف لو ردت بالأكبر إتماثـــــل
مؤمل بالفداء لمنهجه أيواصــــــل
رسم بالدم صور للواعي والجاهل
مؤمل صار ... يشبه الأكبر
ألك تذكار ... قارن المنظر
وحكم ضميرك زين * هاي الشجاعة منين * من جدة أبو الحسنين
مثل أبو اليمه
(3)
يالفكــــــرك سليـــم وتتبع الفطـــرة
رصاص ومصطفى أتلگاهن بصدرة
وقارن مــــــوقف القاسم نذر عمـرة
يشبه مصطفى القاسم نفس صبـــرة
ونفس دم الجرة بالطف على الغبرة
جرت بالكوفة مثله أدمـــــوم للعترة
نفس هالدور ... مــــــــــوقف إتكرر
بگلب مسرور ... مصطفى إستبشر
فكرك سليم وشوف * منهو الصدر معروف * بالدم كتب الحروف
مثل أبو اليمه
(4)
أضن موقف حبيب وعابس إتذكــرة
وعلي الكعبي أخذ من عابس العبرة
بنفس موقف حبيب إتحزم بصبــــرة
يدافع عن حسين العايش بعصــــــرة
ونفس نار الخيم بالجمعة متوجــــرة
حرم وأيتام نشوف بساحة الثـــــورة
المخيم چان ... تلتهب نـــارة
هدم حيطان ... رجعت الغارة
وبالكوفة صار النوب * قصت كسر اللگلوب * وراح الصدر مصيوب
مثل أبو اليمه
(5)
بعد موقف حسين ومنبر أطفوفه
رجع منبر طفوف بمسجد الكوفه
خاطب بي ضمير العايش بخوفه
لچن ميت ضمير الوحده أيعوفه
ومثل موقف يزيد الحشد أسيوفه
خاطبهم حسين بكربله أنشوفـــه
الحسين أهناك ... واگف بوحده
الصدر ناداك ... ظل مثل جـــده
وبلبسه للأچفان * تشهدله أنس وجان * دم الصدر بركان
مثل أبو اليمه
(6)
رجع موقف أسير بلوعة الأصفـــــــاد
هالموقف يشيعة بهالعصر ينعـــــــــاد
نشوف المقتدى ونتذكر السجـــــــــاد
لمن سار أسير بصحبة الأحفــــــــــاد
ومثل ما بالطفوف إتسلبت الأجســـاد
أضن جمعت صدرنه السلبوهه أوغاد
مواقف شوف ... كلهه معروفـــه
وغدر بسيوف ... طغمه مكشوفه
ونفس الضحايه أهناك * نتذكر أنه أوياك * صوت الصدر ناداك
مثل أبو اليمه
(7)
يهل عفت الصدر وحدة وصرت خصمه
سعير النار يتاني الجسمك أيضمـــــه
لون گلت الصدر مو أعلم بعلمــــــــه
أضن خط الحقيقة أتوظح بدمــــــــــه
صرت خاين ترة إنته لحرمت الأمــــه
مثل ما چان أبو سفيان وبظلمــــــــــه
أبو سفيان ... بيهم أتجــــدد
مثل ما چان ... يكره الأحمد
صوت الصدر مسموع * خلي القبر ممنوع * رايت فخر مرفوع
مثل أبو اليمه

(الشاعر خضير المسيباوي الحمداني)

 

 

 

 

 

 

 

 

توقيع »
الاقل غير متواجد حالياً   رد مع اقتباس
قديم 18-11-2016, 04:17 PM   #2

 
الصورة الرمزية عاشق الصدر

الملف الشخصي
رقــم العضويـــة : 230
تـاريخ التسجيـل : Apr 2011
العــــــــمـــــــــر :
الـــــدولـــــــــــة : العراق
االمشاركات : 5,496

افتراضي رد: مثل أبو اليمه

جزيت خيرا على النشر

 

 

 

 

 

 

 

 

عاشق الصدر غير متواجد حالياً   رد مع اقتباس
قديم 05-06-2020, 06:15 PM   #3

 
الصورة الرمزية الاستاذ

الملف الشخصي
رقــم العضويـــة : 12
تـاريخ التسجيـل : Oct 2010
العــــــــمـــــــــر :
الـــــدولـــــــــــة : العراق
االمشاركات : 13,247

افتراضي رد: مثل أبو اليمه

احسنتم وجزاكم الله تعالى خيرا

 

 

 

 

 

 

 

 

توقيع »
اللهم صلّ على محمد وآل محمد وعجّل فرجهم والعن عدوهم
الاستاذ غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مثل أبو، اليمه

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



All times are GMT +3. The time now is 01:33 PM.


Powered by vBulletin 3.8.7 © 2000 - 2024