شهود البقيع

((شهود البقيع))

***------------------****

ألنه بالبقيع شهود // مراقد أربعه أنهدمت

وبسامرّه گبّت نور //لأتبـــــاع الحقد ذلَّت

الارهاب فجّرها ** مايطمس مفاخرها

***********

مراقد نور للعالـــــم متصـــــله بسفينة نوح

بكل طوفان ننطرها شموخ وعاليه لصروح

تظل ساكنه بالوجدان بدمنـه والگلب والروح

ݘفوف الخير تتلگاه تداوي علَّـــة المجروح

الگاصد من يدگ الباب // يرد وبشارتـــــــه بالعين

سفنهم والكل تنجّينه //وأسرع وحده بسم حسين

هنياله الصعد بيها**ذنوبه الباري يمحيها

بي شاطي الامل وصلت

******************

سفياني وجنوده الشـر مايردون فرحتنــه

حب آل النبي جنَـــــّه بحبهم تحله لمّتنه

اليلاوينه يرد خسران يامه أنذال لاوتنـه

عقائدنه بضمائرنه نحميها بأرادتنـــه

عدنه ألّي يوقع الصك // ميـــزان العدل والحگ

من كوثره يزگينـــــه // نبض الگلب بسمه دگ

بسيف الجور ذبحونه** وبحب علي يعادونه

وعليكم ولاصلَّت

*************

حقيقة نفســـــــه يعرفها بعناده بقه يكابــــــر

بكيفــــــــــه يحلل يحرِّم خطيّه يكسر الخاطر

بدرب الشوك جدمه سار تيَّه فرصته حايـــــر

أذا رد الطـــــــــريق الله يبدي جديد من باݘر

يلگي گلوبنه بيضه // عله ماضيّــــه منعيده

نفرشله الطريق ورود// نخلّي أيدنه أعله أيده

أأمتنه تعلمنه ** نعين الواگع بمحنه

تاهت روحه وندلّت

**************

يعادونه وحملناهــــم يآذونـــــه وبعدنه نحب

يسبونه يشتمونـــــــــه ذليلــــه أقلامهم تكتب

طبع بيهم العمر الشيب يصدگون الذي يكذب

عتبنه وياه ماينفع ومايسوه العتب نعتب

نمد أيــد التقيّه ألهم // مادركوا معانيها

رحميه گلوبنه تغفر // تنسه حقد مابيها

بالاجرام كل فكره **أحنه نرفضه ونّكره

بشائر النصر هلّت

************

ننادي ياعلي الهادي يابو محمد أنـــادي

أيادي مجرمه تذبح بينه وباقيــه تعادي

يبدون الظلم كل يوم حقدهم بالظلم بادي

وآنه أصبر وأنظر حقيقة شوفة مرادي

بعيون الفرح أبصر // الحلم واقع اليوم يصير

وعد يتحقق گبالي // يذل البدع والتكفيــــــر

الارض بالجور ممليّه ** مبغض فاسد النيَّه

تصفه ورايته تعلَّت

******************

احسنت يااخي الغالي على هذا النشر المتميز