العودة   منتدى جامع الائمة الثقافي > القسم الأدبي > منبر الشعر الشعبي والقصيدة الولائية

منبر الشعر الشعبي والقصيدة الولائية واحة للشعر الشعبي العراقي والعربي

إنشاء موضوع جديد  إضافة رد
 
Bookmark and Share أدوات الموضوع انواع عرض الموضوع
قديم 01-12-2014, 10:44 AM   #1

الملف الشخصي
رقــم العضويـــة : 3041
تـاريخ التسجيـل : Nov 2014
العــــــــمـــــــــر :
الـــــدولـــــــــــة : الكوفه المقدّسه
االمشاركات : 57

حسين ماأظنن(لسان حال زينب مع العباس عليهما السلام

((ماأظنن))

***

ماأظنن خويه بوجودك اعاني

ماأظنن أبقه محتاره بزماني

بعدك بغربه طحت

شلون بختك ماكَلت

******

جنت أعيش بسدَّك وأغفه وأنامن

عيونك التحرس عيوني واليحامن

بعد جفَّينك دكَلّـــــــــي أمشي ويامن

وخدري بعد الهيبه والغيره يرامن

يل عفتني بغربتي وحدي وتنيتك

يل عفتني بلوعتي بدمعي نخيتك

مالوم من عنّي بعدت

شلون بختك ماكَلت

******

صعبه ياخويه الليالي بغير جفَّك

عمري كَظّيته بسنينه وخدري يمَّك

هموم جنت أتشيل عنّي وآني همَّك

ألهل وعد حيدر يغالي ألي ضمَّك

ماخذتني تخله بيَّه ياحبيبي

ماخذتني جروحي تكبر ياطبيبي

بظيمي وآلامي عشت

شلون بختك ماكَلت

******

ياأسد خدري وزماني أتروح عنّي

بحيريتي أبقه اعاني وزاد ونّي

شعنده وياي الدهر ماخِذَك منّي

بيك يابو الفضل والله باقي ظنّي

صوَّبتني بالعمد وبسهم عينك

صوَّبتني وما أصل يمَّك وعينك

بس صدى صوتي أسمعت

شلون بختك ماكَلت

******

تدري نيران الخيم غيِّرت حالي

بصرخة أطفالك يساقي تاه بالي

أمشي بدروب اليسر طول الليالي

عله ظهر الهزل خدري بلآيه والي

محّنتني كربله بعد ك يحادي

محَنتني بظيمي وبدمعت أفّادي

خذت كلشي من رحت

شلون بختك ماكَلت

******

أبقه ويَّه دموع عيني أسهر الليل

دمعه تحجي ويَّه دمعه توصف الويل

زودي جان بقوِّتك والهمَّه والحيل

بعد ماظلِّي خدر من هجمت الخيل

غذّبتني أيامي بجفاك وبعادك

عذّبتني من خذت منِّي ودادك

ريت عميه ولاشفت

شلون بختك ماكَلت

******

 

 

 

 

 

 

 

 

خالد محمد مهدي الحجا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



All times are GMT +3. The time now is 05:24 PM.


Powered by vBulletin 3.8.7 © 2000 - 2024