عراقـيتــك شمـس

يا مبدئ شرف للرايد ايكون *** وكت العوز لكمة تشبع الايتام

انته العلمتني بساعة الجوع *** ما اشبع وخوي بجوعته اينام

صوت الفقرة عندك مثل الاذان *** تخشعله بكثر ما عدهم الام

السبب حكم الزمن خلاك بالليل *** ما تحمل خبز وتوكل الايتام

والافرض عندك خدمة الناس *** مثل فرض الصلاة وفرض الصيام

جرح الفقرة بسمك مقتدى ايطيب *** لئن كلك فعل ما عندك اوهام

كلبك جن جبل ضد اليعادوك *** وكبال الفقير ايصير من جام

محتل العراق بجفك انزاح *** وبقه جيش الفقر عندك هل ايام

دولة فقرة كلبك كمت احس بيه *** بعمرك ما بنيت الروحك احلام

تفطر من كلامك سيد الناس *** لجن غيرك يمثل عدهم اصيام

قدسية دمعهم عندك تكون *** قدسية ضريح وحرمة اسلام

ويا شبل الصدر وين انتهي وياك *** وشلت الخيال وحبر الاقلام

امس نادة العراق وفزع الناس *** وكلهه اتأخرت بس انته كدام

عراقيتك شمس للرايد النور *** مواقف حظرتك ماعدهن الثام

افعالك جبيرة البعض تحتاج *** كاتب والبعض محتاجة رسام

شعارك مو قلم بفعال مكتوب *** الملك بس العراق وكلنه خدام



بقلمي مصطفى الصدري

احسنت وبارك الله بك على الكلمات الرائعة والجميلة

كلمات رائعة ، أدام الله تعالى توفيقك

اللهم صل على محمد وال محمد وعجل فرجهم والعن عدوهم
رائعة جداً
سلمت يداك اخي المعطاء
دمت بهذا الابداع المتواصل

اللهم صل على محمد وال محمد وعجل فرجهم والعن عدوهم
بوركت اخي الغالي على ما سطرت اناملك من كلمات غاية في الروعة والجمال
جعلك الله من المدافعين عن الحق واهله