قصائدحسينية للشاعرحيدرالخفاجي الرميثي

5 ) دمع الموالي ماصبر – عزه الامام المنتظر
بكلب زينب الم وخيام ملهوبه
ولو تقره ابدمعهه ايتام مسلوبه
وراس اعله الرمح وجساد متروبه
راس الحسين ابهلخبر------------------- عزه الامام المنتضر
زينب لوكلت معناهه جف عباس
وعبدالله الرضيع البجه كل الناس
زينب تعني جسام الخضيب الراس
جورالسبي وي كل اثر -عزه الامام المنتضر
زينب دمعة الاكبراجت لحسين
تريدالماي منه ويابسه الشفتين
وزينب عين سكنه البجت الثقلين
الهه يون كلب الحجر ------عزه الامام المنتضر
حتى الدمعه تعرف زينب الحره
اسئل دمعتك وتجاوب ابعبره
لسه عيون زينب تبجي للزهره
بهالفاجعه جف الكمر -----------عزه الامام المنتضر
زينب حسرة السجاد واهــــــــــــاته
ورقيه وراس ابوهه التجري دمعاته
زينب باب فاطم لسه عصراتـــــــــه
والبرينوح وي البحر------------عزه الامام المنتضر
احترك كلب الخيم من نار دمعتـــــــهه
وسجب دمع الورق بيدي اعله قصتهه
ماسلبو خدرهه وتبقى عبرتــــــــــــهه
يبجي اعله قصتهه الشجر -------عزه الامام المنتضر
بحجاب الحره لاتتوهم الاقــــلام
حجاب الحره ماطاح وابد ماهام
اذا هي الحجاب اليستر الاسلام
زينب حجاب ابكل دهر-------------عزه الامام المنتضر
خادمكم حيدرالخفاجي الرميثي




6)
بسهم عبد الله تصوب سابح بدم ركبته
والعرش لمصابه يهتز ماحمل هم قصته
بحضن ابو اليمه انغدر يجري دمه من النحر
-----------------
عبد الله جرحك موجرح تبجيله كل عين
يااية الله وتنذبح بجفوف الحســــــــــين
دمك تعلك بالسمه وضلت نياشــــــين
نحرك تصوب بالسهم وتصــــوب الدين
حسين راد الماي منهم والجواب اصبح سهم
شنهو ذنب الطفل دامي بالعطش كلبه نهضم
مصابه يبجي الصخر يجري دمه من النحر
-----------------
يحسين طفلك بالحضن من شفته مذبــوح
من شفت عبد الله انصرع ويعالج الـروح
دمه على جروحه نزف من نحرة مسفوح
وياك دم تبجي السمه ويانه وتنــــــــــــوح
طيرعبد الله ويرفرف كطع كليبه العطش
هالحزن للحشر يبقى بكلب هادينه انقش
كلبه بالهم انفطر يجري دمه من النحر
----------------
زينب تنضرة وبالالم صاحت يالعضيد
طفلك شبيهه ركبته ومسبـــــــــــل الايد
ياخويه اشوفن هالطفل مكــطوع الوريد
ماعدهه رحمة هالبشر جــــي عبدة يزيد
لجل عبد الله دموعي تذرف ليوم الحشر
ولجل عبد الله انوحن - وابقى الطم عالصدر
ذنب منه ماصدر- يجري دمه من النحر
-----------------
شلون الرباب تلكته من نحرة مــكطوع
يوليدي نحرك منكطع عطشان مصروع
عبد الله عطشان انكطع وكليبـــــه ايلوع
وحسين كلبه منصدع بمصابه مــــفجوع
نبلة الضالم تصوبه - انذبح عطشان الرضيع
والسماء اركان هزت - والمصاب اصبح فظيع
دمه من نحرة انفجر - يجري دمه من النحر
سكنه تحظنه بياكلب هالطفل مـدمي
جاوين عباس الشهم جاوين عمــــي
ياعمي عبد الله انذبح يالطحت مرمي
رجع اجفوفك يابطل وكشفلي هـــمي
صاحت بصوت اليتامه - مات عبد الله الطفل
عمي ياعباس افزع - موتولانه النذل
بنبل يرمونه وحجر - يجري دمه من النحر
وحسين كاصد للحرب ويودعه بالنوح
عطشان طفله ومنذبح ينضرة مـــذبوح
عبد الله لمصابك الم تتعذب الــــــروح
سبب مصاب الشيعتك دمك المســفوح
الجرح عبد الله التصوب - دوم تلطم شيعته
بالسماء نشوف دمه - نذكر بهم عطشته
جرحه مايحمل بشر - يجري دمه من النحر
خادم اهل لبيت/ حيدرموسى الخفاجي الرميثي
7)
بكل قلب مجلس مصابك ياحسين -ياعزاء الينصب طول السنين
يادمعة الحره -----------ياعبرة الزهره
اه يليل العاشر اوكف كل صبح مااريد يطلع
زينب اتودع قلبهه عله الحسين اتسيل مدمع
ليله بالاكبر تودع وياهم العباس ودع
والرباب ابحال يفجع تودع الطفل الي يرظع
هذا ليل العاشروليل الدموع--تصيح ساعات الحزن مامش رجوع
اليوم الضلع كسره ------يالوعة الزهره
لوطلع صبح المنايه ينذبح عبدالله ضامي
والعطش يسبي الفواطم ينظرن الجسام دامي
وينكطع عباس جفه وينكسر ظهرك امامي
وزينب اتنادي حسيناً تحترك بعدك خيامي
الليل يخلص والصبح جدا قريب ----باجر اتسيل المدامع والنحيب
طر الصبح فجره ------------ياعبرة الزهره
شلون لوودعت الاكبر وللحرب زفيت قلبك
توذره اعداك وتطعنه ياحسين وبي تصوبك
كلبك اتكطع امامك والعده بالدم تخضبك
ولو طلبت اميه تشرب ترفض الوادم تشربك
تصوب اسهام العطش جبد الرضيع---- بنحره ينصاب ابسهم طفل وصريع
بحسين جم طبره--------- ياعبرة الزهره
باجر ابصوب الشريعه تنطفي العباس عينه
والعمدراسه يخضبه والعطش يذبح سكينه
عله النهر عباس يوكع وزينب اتشوفه الحزينه
هلكمر كطعو يمينه وبدوالجربه الامينه
جفوف ابوفاضل ياعاشر تنكطع----وينكسرضهرالحسين وينفجع
عبدالله وي نحره ------ياعبرة الزهره
شلون وحده حسين يبقى والمهر زينب تقدمه
تكله خويه اكشفلي صدرك ياحسين اردن اشمه
صدرابواليمه تقبله وصية الزهراء امه
امهه وصتهه الزجيه تدري صدره اعداه تهشمه
زينب اتقبل ابالم صدرالحسين----وصية امهه فاطمه ام قلب الحزين
جفين متوذره ----------يادمعة الزهره
فاطمه المظلومه تعلم سهم المثلث يصوبه
بهلسهم جتال تدري للحسين يصيب قلبه
والحجرصوب جبينه وهالحجردمه يخضبه
من المهرللكاع يوكع بالسيوف اعداه تخضبه
شلون لويصعد على صدرك شمر --ياحسين وبيده نحرك ينطبر
سحكو على صدره------------- ياعبرة الزهره
والشمر راسك يحزه وتسحك الخيل اعله صدرك
جثه فوك الكاع تبقه بس دموم يسيل نحرك
ياغريب تصيح زينب خويه اكعد شوف امرك
حركواخيمنه الاعادي يالذبيح بهاي اخبرك
تستعر نيران بخيام العليل ---وتسمع اصوات الارامل والعويل
خيام التشب جمره -------------ياعبرة الزهره -
خادم اهل لبيت/ حيدرموسى الخفاجي الرميثي





8)
بالمناحر بالحناجر
كل لحضة ياعاشور باسم الحسين نثور
------------------
يحسين بحــــــــــبك امنه - صوت اليصرخ بيه ياسيـــــــــن
بصرخت ياسين انصيح احنه- يبقى بضمايرنه حسين
ذباحك ضل يذبح بينه - يابو الاكبر صار سنيـــــــــن
لجل العباس احنه انطينه- جفوف واسينه الجفيـــــــن
يامجيدا ياشهيدا
دمك يضل يفور باسم الحسين نثور
-----------------
نذكر اسم الله بكل موكب - ونبجي اعله حسين العطشان
هذا الينحب فوك المنبر - وذاك اليلطم والحزنان
نلبس اسود بمصيبتكم - يحسين وحتى الرضعان
بالزنجيل احبابك تطلع - و تملي الشوارع شبان
بالجوامع بالمدامع
ننحب على المنحور باسم الحسين نثور
يحسين ولو جانه العاشر - نتحسر دمك مسفوح
هذا اليذبح ذاك يوزع - نكضي الليل دموع ونوح
ذاك اللي بالساحة يمثل - دور الغريب المذبوح
وهذا يمثل دور الاكبر - ودور القاسم كله جروح
بهم جمرنه - ندك صدرنه
لامايغيب النور - باسم الحسين نثور
------------------
مانترك درب حسين احنه - دوم انوح على المظلوم
حب حسين اليجري بدمنه - وننزف لجل حسين دموم
حتى بشرب الماي نذكرك - ياعطشان ويامحروم
نذكر عبد الله اليتحسر - اعله الماي ونحرة المفطوم
بكل فخرنه - وكل عمرنه
لجلك ندك صدور - باسم الحسين نثور

واصحاب حسين انواسيهم - بذلو لحسين الارواح
زهير ومسلم وي نافع - والحر وي جون المصباح
حبيب وبرير القارئ - وعابس صال بلاية سلاح
اصحاب حسين بثورتهم - عرش الباطل ذل ونزاح
مانساوم - بل نقاوم
لامايهمنه الجور- باسم الحسين نثور
---------------------
خادم اهل البيت / حيدر الخفاجي الرميثي












بماي عيوني -أسكي حسين بماي عيوني
9
من عباس اتعلم واسمع
عالباطل ثائر مايخضع
صاح جفوفي خل تتكطع
خلهم برماح يطعنوني
__
2-
خلي السهم يصوب عيني
و تتكطع للدين يميني
سالم يبقه حسين و ديني
ماهاب الكوم تعرفوني
_________--_-_--_________
3-
خل راسي العامود يصوبه
فائز آنه ورب الكعبه
ماعوف حسين ولا دربه
ثابت عالحق تشوفوني
_________--_-_--_________
4-
هاي الجربه و خل تتبده
أسكي بماي عيوني جبده
مهما غدروا أهل الرده
و بسهم الغدر يصوبوني
_________--_-_--_________
5-
كلبي من ضماه يسعر جمره
و ما أشرب كبل ابن الزهره
عمري فدوه يروح ا لعمره
يانفسي من بعده هوني

الشاعر
حيدر الخفاجي الرميثي

تاج انتي فوك الـــــــــراس والله يم عباس
يل للحوائج بــــــــــــاب - يا قلعة الالبــــــــــــــــــــــــاب

يا ايه بالحق نازلــــــــــــــــــــــــــه-توضح معاني القران
ام البنين ام الصبـــــــــــــــــــــــــــــر-باب العلم والايمان
واست الزهره باربــــــــــــــــــــــــــعه-للوفه هي العنوان
شاركت بالهم فاطــــــــــــــــــــــــــمه-تستلم بيت الاحزان
شاركت بالاحــــــــزان-وي سيدت النــــــــــــــــــــــــــــسوان
بالطف الم ومصــــــــــــاب- ياقلــــــعة الالـــــــــــــــــباب
عباس ابنهه الينذبــــــــــــــــــح راسه ابعمد ضل مجسوم
عبدالله وعـــــــــــــــــون اتكطعوا-ومن جعفرتسيل دموم
لاجنهه تنشد عل ســــــــــبط-عله احسين ابنهه المضلوم
من سمعت احين انجــــــــتل-صاحت ام كلب المهضوم
يااشرف الانســـــــــــــــــاب-ياقلعة الالبـــــــــــــــاب
من دم تسيل العــــــــــــــــــين-عله افراك ابنهه احســـــــــــــــين

باب الحوائـــــــــــــــــــج للذي-يطلب الحاجه الصعـــــبه
بأذن الله تكضي حاجـــــــــــــــــــــــــته للصافي نيته وكلبه
انخاهه لومــــــــــــــــــــــــــــسك الم-دليل الضايع دربه
ام البنـــــــــــــــــــــــــــــين العالمه-ولشيعي واضح حبه
لم البنين اســـــــــــــــــرار-للتقوى والايثــــــــــــــــــار
يااشرف الانســــــــــــــــــــــــاب –ياقلعة الالبـــــــــــاب
تنتظرجانت علـــــــــــــــــــــــــــدرب-عله حسين تنشد وتنوح
لمن اجه الناعي بخـــــــــــــــــــــــــــبر-بحسين سمعت مذبوح
راسه انرفع فوك الرمـــــــــــــــــــــح-والجسد دامي ومطروح
سمعت ابصوت النـــــــــــــــــــــــــــايبه-وتتحسراهموم الروح
وتنادي بالاحـــــــــــــــــــــــزان-يالمنذبح عطـــــــــــــــــشان
ناروحزن وصــــــــــــــــــــــــــواب-ياقلعة الالبــــــــــــــــــــــــاب
وي زينـــــــــــــــــــــــب اتلاكن سوه-وصارالنياح اعله حسين
زينــــــــــــــــــــــــــــــب تنوح اعله الكمر-وتصيح يابوالجفين
عله راسه عبـــــــــــــــــــــــاس انطبر-وبالسهم مصيوبه العين
يم البنــــــــــــــــــــــــــــــــــــين الاربعه-بالطف صفومذبوحين
طاح الكــــــــــــــــــــــــمر علكاع-ماعنـــــــــــــده كل اذراع
كلب المصايـــــــــــــــــــــــــــــــب ذاب- ياقلعة الالبــــــــــــــــــاب
ماتنسه ضنوة فاطــــــــــــــــــــــــــــــمه-وهم تنسه عباس اشلون
واليل وحشه بلا كـــــــــــــــــــــــــــــــمر-شحال الدليل المحزون
طاح الجبل فوك النـــــــــــــــــــــــــــــــــهر-بالعمدراسه يطبرون
وحسين مكسور الظــــــــــــــــــــــــــــــهر-وحده يضل ابلا عون
صابه العمد بالــــــــــــــــــــراس-متوذرالعبــــــــــــــــــاس
لامايفيداعتــــــاب- ياقلعــة المحــراب ‘‘‘‘‘‘‘‘‘‘‘‘‘‘‘ *(شعرابواحمدالخفاجي)*

خادم اهل لبيت/ حيدرموسى الخفاجي الرميثي







11
) تجري دمعات العباده اعله الخدود
ياعلي اعله امصابك اينوح السجود

تلطم الايام ويون الصـــــــــبر
ابكلبك انشوف الخيم تسعر جمر
انت شايل كربله اشعندك صبر
وي مصابك نزفت اعيون القيود

راس الحسين ابدليلك منرسم
وطفل بالنبله ذبيح ومبتسم
والبطل عباس راسه المنهشم
عسكرابصدرك نشوف احنه وجنود

جبدك المسموم وضح ماجره
ياعلــــي وسهم المثلث فسره
وعين ابو فاضل جرت دم عالثره
دولة امصابك فلا الهه حدود

يا علي ابكلبك سبي وسوط وطفال
وزينب الحره تجتفهه الحبال
وراس ابوك ابرمح تنظرله العيال
يا علي وتسبيكم اذناب اليهود

تسجب ادموع الصحيفه ابكل دعاء
عليك نحر حسين ضل ينزف دماء
يا علي السجاد تبجي الانبياء
الكبرك ايات الحزن يبقن شهود


الشاعرحيدر الخفاجي الرميثي





تنسبي اعيالك يسبع الكنطره
راس اخوك اعله الرمح ما تنظره

تقـــــــبل السجاد مجتوف ابحبل
وزينب المفجوعه تصعد عالهزل
وعلى ظهري ابسوط يظربني النذل
لاتخليني وتظل فوك الثره

أعله الجثث مرينه شفنه حسينك
شلــون تفزع ونت ماهي ايمنك
شلون تنظرله وسهم صك عينك
ننظر المظلوم كطعو منحره

ننظرالراس الغريب المنذ بح
رتل ايات الكهف فوك الرمح
بقلب زينب جم رمح وجم جرح
ضربوالاطفال وانه ميسره

وعذبـــو رقيه كوم الحاقدين
اطوهه راس حسين مصيوب الجبين
ماتت الطفله على راس الحسين
خيل تسحكنه وخيام اموجره

مجتفين ودخلونه اعله القصر
تقبل الاطفال يسحلهم شمر
ويضرب ابراس الحسين ويفتخر
يزيد ويشتم ابونه حيدره

كلمات جميله وفقكم الله الى خدمة اهل البيت
لكن لماذا هذه الكثره في التنزيل
لو كانت على شكل مواضيع متعدده لكانت افضل
واجدد شكر للشاعر المبدع

اللهم صل على محمد وال محمد وعجل فرجهم والعن عدوهم
مشكور أخي على هذا المجهود
والشكر موصول للاخ يا رحمة الباري على هذه الالتفاته
فتنزيل القصاد بشكل منفرد يعطيها رونقا أكثر
لا حرمنا من جديد ابداعك

اللهم صل على محمد وآل محمد وعجل فرجهم والعن عدوهم

موفق على النشر