يا مَسجد لا تِنساني ... انتَ صِرِت عنواني

اليوم اترك التعليق لأحرف الشاعر المتألق

حمزة حسين الوائلي

بحق سيدنا الوالد قدس الله نفسه الزكية

لان حقيقة احرفي خجلة امام هذا الشهيد العظيم

اترك الكلام لشاعرنا الوفي

بعد سنه وأشهر من استشهاده ، وفي الطريق للزيارة الأربعينيه ، كانت هذه القصيده ، وهي على لسان حال السيد الشهيد قدس سره

يا مَسجد لا تِنساني ... انتَ صِرِت عنواني

ضَحيت بأغلى العندي .. بنفسي وبقطعة جبدي

بروحي وأعز شُبّاني .. يا مسجد لا تنساني

يا مسجد أُذكر عَهدي .. واذكر المنبر بعدي .. واذكر أَصحابي ووُلدي

وابجي بنَدم وانعاني

لا تِنسه أَحلى جَمعَه .. نَورَت يوم الجمعه .. يا يوم شنهو يرَجعَه

وآني تحت تِرباني

يا مسجد لَمَّن جيتَك .. ويه أصحابي واختاريتك .. نيتي صُفَت وَي نِيتَك

ومحرابك الناداني

يا مسجد لَمَّن جيناك .. أَبطال واختاريناك .. سيفك صِرِت وبيَمناك

وليثَك لَمن تِنخاني

شنهو الذنب جِتلوني .. ومن الصلاه حرموني .. وببحر دم خَلّوني

ومَحَّد فِزع لي وجاني

هَم تِدري ذيج الليله .. بصدر الصدر جَم جَيله .. لا إِبنه حَي ويشيله

وينزف ولَيده الثاني

الليث لَمَّن غِدروه .. بِالحقد نَحرَك نِحروه .. صدرَك يَمسجد كسروه

ولا تِنسه صَدرَك آني

لَمَّن طِحِت ما جنت أظن .. تكعد يَمسجد بَس تِوِن .. وحال أَهلنه بالسِّجِن

جَوَّه الكَبر أَذّاني

يا صاحِبي هذا القدر .. مكتوب بوجوه البشر .. لا تبتئس هذا العمر

وهذا أمر رَبّاني

@@@@@@@@@@@@@@@@@