غضب رب العباد

بسم الله الرحمن الرحيم
السلام عليك يا ابا عبد الله الحسين
غضب رب العباد .. نزل بأرض السواد
صارت الكعبة اسيرة .. ابرهه يم المقام
لن خليل الله ينادي يا كمر هاشم سلام

للكمر سيف الغضب بالطف نزل
صار بيمينه و ابن حيدر حمل
هالله هالله يا زعل شايل زعل
و ارتجز حي على خير العمل
دوت نار العذاب ... مثل يوم الحساب
زينب بصوت الزجية حشمت من الخيام


هجموا السبعين الف كلهم سوا
اخو زينب شايل بجفه اللوا
ضلمة صارت عل نهار بلا ضوا
ضاكت الوسعة و يدورون الهوا
نده وين الرجال ... تعالوا للقتال
حيدر يعاين شبيهه و ينتسم سيد الانام

شال جوده و عل نهر كال الوعد
و الحرس من شاف اخو زينب شرد
ها يا ملج الموت لا تحسب بعد
صاح ابو فاضل اريد اكثر عدد
اخليكم عبيد ... اذا زينب تريد
اكلب الدنيا لأجلها و اعلن اليوم انتقام

صاح يا حيدر و زلزل كربلة
جالبراءة و نازل ابلا بسملة
نادة هذا حسين من يوصل اله
زينب بجالي تضل مدللة
قسم بالعاديات ... اخليكم شتات
طفحت الغيرة بوريده و صار عل موت ازدحام

صاح اريد الماي وينه اليعترض
كام يشطر سيفه بالطول و عرض
ماكو راحة و اليوم راحتهم ركض
و الله مدري اشلون شايلته الارض
و حق سكنة و رباب ... اكص كل الركاب
انه اخو زينب تعالوا سيفه مثل الموت حام

والله لو واحد وصل زينب ترة
حالف اكبها السمة تحت الثرة
اليوم اراويكم مراجل حيدرة
صاحت الحرة يا سبع الكنطرة
يا وفاي الوعود ... تعال ابلايه جود
خويه و الله الخوف اجاني و صارت الدنيا ظلام

ناده يا زينب اسمعي هل خبر
لو اجيب الماي لو اظل عالنهر
صاح ابشري واحد بواحد شمر
نادته زينب يا عباس الحذر
اذا توكع جتيل ... اظل ابلا كفيل
تلكة اختك لا عشيرة و لا اخوها و لا عمام


خويه بيدك طلعتني من هلي
من سألتك منهو يحرس محملي
انت دكيت الصدر خويه الي
كتلي انتي بركبتي و ادللي
خذت روحي و مشيت ... و انادي و لا اجيت
ارجع ارجع خل اشمك و شكثر عندي كلام

وفقك الله اخي على هذا الاختيار الجميل

اللهم صل على محمد وال محمد وعجل فرجهم والعن عدوهم
عظم الله لنا ولكم الاجر واحسن العزاء بمصاب ابا عبد الله الحسين عليه السلام
وبارك الله فيك على المجهود المبارك والانتقاء المتميز
شكراً لك

جزاك الله تعالى خيرا

اللهم صل على محمد وآل محمد وعجل فرجهم والعن عدوهم
عظم الله اجورنا واجوركم بذكرى مصاب ابو الاحرار الامام الحسين عليه السلام وبوركت على هذا النشر المبارك بحق ابو الفضل العباس