|
منبر الشعر الشعبي والقصيدة الولائية واحة للشعر الشعبي العراقي والعربي |
|
أدوات الموضوع | انواع عرض الموضوع |
03-11-2012, 09:42 PM | #1 |
|
وصف الامير في عيد الغدير
قطار الوصف يمك ينتهي بمسراة ...............بعد خطوات الك والسجة يكظيهه هزل ثوب العمر وخيوطة راح اطيح ..............وحرف واحد بوصفك ما وصل ليهه مشن خطوات جدمي مسابك وي الريح ............او لا خطوة من وصفك جدمي ماشيهه بحر شغرف جذب شيحملن الجفين ............... تستسلم جفوفي شما شلت بيهه جفين الوصف تغرف جذب بالماي ...................فراغ البين اصابع جفي ينطيهه شوصفنك شمس شو ردت بكل طوع ................. من شافت صلاتك ما مصليهه شوصفنك كمر ليلية يسهر جان ....................... وجلال لحضرتك هل ضلمة يطويهه النجوم تسابكت باست خدود اليل .....................لأجل تعرف صلاتك من تصليهه حشاك تنام ليلك وانتة ابو الايتام......................اذا مو للصبح تسهر تغفيهه علي عكبك نهر عين اليتامة تسيل.....................يكفال اليتامة وجنت حاميهه علي شخصك جبل حدب ظهور اعداك..................شما حاولت هزة الخيبة تلفيهه ياشمعة بدرب دين الأله ونور...........................درب دين الرسالة اسمك مضويهه ياعثرة وحجر كدام اليعادون ...........................ولا واحد يضدك ما عثر بيهه ياكلمة بحلك كلمن يضد لوكال..........................علي يغص بالبداية شلون تاليهه ياشهكة ونفس بصدور الموالين........................لو ضاك النفس وحدك اتنجيهه علي كلمة ومحمد ذاتة بيهه حتار......................بطران الوصف لوراد يحويهه علي بكلب النبي الشريان الابهر جان.................كل كطرت دمة الكرار يجريهه علي ماهمة منصب لو خلافة ومال....................علي ما يهوة دنية الاخرة هاويهه بالخندق نشف ريك الاسلام هناك..................... واجة حيدر نهر لشفافة يرويهه الوسعة تضيك بينة انادي ابو الحسنين................ تفرج كبل لا هل الكلمة نحجيهه انة صفنتي بحيدر خجل منهة اليل........................وما اوصل الوصفة وصفنتي اكضيهه بعدني اول حرف شيبت راس اليل........................واجة طرهة الفجر وحروفة اتانيهه بكد ما وصفت حار الوصف وياي.......................وابيات القصيدة مناغة اناغيهه اشد حيل الوزن والقافية اتشد حيل.....................وارجع للبداية ونيتي انويهه الى ان ايقنت ان حيدر الكرار............................بس الله ورسوله اوصافة يحصيهه بقلم الشاعر علي صابر الصجيري
|
03-11-2012, 09:47 PM | #2 |
|
رد: وصف الامير في عيد الغدير
رائعة جداً بروعة ابداعك اخي المعطاء ابو الطيب جعلها الله في ميزان اعمالك الصالحة وثبتنا الله واياكم على ولاية امير المؤمنين عليه السلام
|
03-11-2012, 10:15 PM | #3 |
|
رد: وصف الامير في عيد الغدير
صح اللسانك وحياك الله على ما خط قلمك و عبر وجدانك.. ملاحظة \تم نقل القصيدة الى منبر الشعر الشعبي
|
03-11-2012, 10:32 PM | #4 |
|
رد: وصف الامير في عيد الغدير
|
04-11-2012, 02:36 PM | #5 |
|
رد: وصف الامير في عيد الغدير
جزاك الله الف خير اخي الغالي على هذا النشر الموفق
|
مواقع النشر (المفضلة) |
|
|