عيد الغــدير

قصيدة " عيد الغدير" إلى الإمام علي ( عليه السلام )




أنه بحماك ألوذن بالشدد والضيج **** كهف وشگد امان اليگعد بسدك
أنه الكلمة بمقامك تدخل ألف أحساب **** لان كل وحدة تطلع لازم اتودك
منو يوصفك صعب فوگ الوصف مولاي **** علي وشكبرة اسمك ياهو اليحدك
الشجرة الطيبة إنته الثابت أصلك ساس **** ومثل ورگة آنه اموتن كلي لو اهدك
أحبك مو لفظ بلساني اگولة وراح **** أنه من الذر عشگتك واكره الضدك
الكعبة بمولدك زادت شرف مولاي **** إلك فتحت گلبهه ورفضت تردك
يانجم الرسالة البلصبح ينشاف **** يميزان العدالة بكل وكت عدك
ماعندك أبد ظِل بالشمس ينشاف **** نورك أقوى لين الينبع بخدك
مثل لمح البصر من تدخل الميدان **** يلحگ ياهو يهرب لو هجم مدك
مشهودات إلك بدر وأحد وحنين **** وصفين ويخيبر ما حصل ندك
صلب وكت المعارك كلهه تدري بهاي **** بعكس يم اليتامة ولمة الفقرة
على أچتافك الزاد وتمشي تالي الليل **** توزع عالفقيـــــــر وليلك تسترة
مترد اليجيلك تنطي دوم الجاي **** بيتك خالي يبقى وغيرك اتوفرة
بتنصيبك كمل دين الله يا ابو حسين **** أمرْ رب الجلالة وللنبي إيخبرة
ملائكة الوجود بفرحة هذا اليوم **** امير الكل موالي ومؤمن وحرة


من كلماتي / محمد العلوي البغدادي

مشكور اخي على هذه القصيده وفقك الله لكل خير

[align=center]الشكر لله العلي العظيم

وشكراً لمرورك اخوية الغالي[/align]

اللهم صل على محمد وال محمد وعجل فرجهم والعن عدوهم
علي إسمك (فعل) و (الفاعل) الفقّـار
او (ضمير) الأمّـه (غايب) ما عرف دوره ..
او لأنـك (مبتـدأ) لازم تـظــل (مــرفوع)
و أعــدائــك (كســر) معنــاهـا مجروره .. !

رائعة جداً اخي المعطاء وشاعرنا الغالي ابو باقر
شكراً لك
وثبتنا الله واياكم على ولاية امير المؤمنين عليه السلام

قصيدة رائعة
جزاك الله خيرا