شمــس الحقــيقة

شكتبلك حرت ماتاكفي الحروف
وسمك من اذكره ايخجل المطلع
علمني اعل حبك سيدي اشلون
حبك مو سهل مولاي يتصنع
وسمك بالقصيدة شلون اخليه
القصيدة بحضرتك مولاي اتوقع
يا موطن حقيقة هواي نكروك
ولو نور الشمس ما ينطفي ويصطع
ودربك ياشمس تندله العيون
بس لعمه الكلب يا سيدي اشتنفع
خانوك البعض والخله وين
خلتهم اكيدا جانت المرضع
والتابع طريقك مقتدى ايشوف
نهج الحسين بنهجك مجمع
لذلك باليحبك تلكه شوك
ايدور على الشهاده وصيغت المصرع
يا حيدر زمانك نفس الاطباع
ماتركض عليهه الدنيه الك تركع
وحيدر تممه الدين الرسول
او منهج صدرنه بزودك اتوسع
وبعد نفس السقيفه انعادت اوياك
وكثرهم ياسيد ضدك اتجمع
ما مات الحسين بشخصك انعاد
والا من ناصرا يومية نسمع
ياكافل عمرنه وباقي السنين
ويالبسمك شأنه وبيك يترفع
على درب الأمل حبك زرعناه
واخرهه لا بد يحصد اليزرع
حبك صح جمر والعافه خسران
بس اخر محبتك جنه تطلع

مصطفى الصدري