العودة   منتدى جامع الائمة الثقافي > القسم الأدبي > منبر الشعر الشعبي والقصيدة الولائية

منبر الشعر الشعبي والقصيدة الولائية واحة للشعر الشعبي العراقي والعربي

إنشاء موضوع جديد  إضافة رد
 
Bookmark and Share أدوات الموضوع انواع عرض الموضوع
قديم 18-04-2016, 06:39 AM   #1

 
الصورة الرمزية الاقل

الملف الشخصي
رقــم العضويـــة : 211
تـاريخ التسجيـل : Apr 2011
العــــــــمـــــــــر :
الـــــدولـــــــــــة : العراق
االمشاركات : 12,641

افتراضي من هوسات ثورة العشرين

من هوسات ثورة العشرين
الهوسة فن شعري لها وقع في نفس العراقي، تبدأ الهوسة شعراً وختامها يسمى (الردسة ), وقد ينسى الناس الشعر وتبقى ( الردسة ) ومن يلقيها يسمى (المهوال) واليكم بعض هوسات اهلنا في ثورة العشرين
قال شعلان ابو الجون عندما حمي الوطيس بالعارضيات :
بي خير او يجثر عسكر وريلات
اسواريه او بيادة وفوك طيارات
ابعزم الله او عزم حيدر ابو الحملات
يتوزع وطروح انشيله .

وقال مخاطبا رجاله الذين يحرسون (جسر السوير)
اكلن لج يجامعة الحسن عيناج
فن كوكس اوديلي ابعسكره يدناج
كون اهلج جفوج احنه بطرب جيناج
خل يا من كلبج يرعيعه

قال مهوال من آل ازيرج مخاطبا (هاملتن) القائد الانكليزي عندما اراد الهجوم عليهم:
ذوله افروخ الازرج موش اهل لملوم
يهاملتن تأدب لا تزومش دوم
بالسنكي معاك نريد نصفه اليوم
(رد لا تتدهده بحلك آفه)

الشاعرة افطيمه من عشيرة الظوالم تسأل اخوها عن ابنها فأجابها:
جن لا هزيتي أو لوليتي
فأجابته مفتخرة:
هزيت ولوليت الهذا
(وتعني يوم المواقف).

اسر الانكليز ابن عفته بنت اصويلح آل ازيرج ومرو به عليها فلما شاهدته صاحت:
بس لا يتعذر موش آنه
فأجابها ولدها:
خلوني بحلگه وگلت آنه

قال المهوال محمد آل صيته عندما شاهد بنات آوى امام جثث الانكليز :
واوي الكوت متعني او متمور
يكول اشهل ربيعه اشكثر بيه اكسور
واوي العارضيه ايكله من ياخور
يتكلب وهله يندهونه

قال عجمي السعدون:
غداي الماطلي لو ثار طريت
ثمل لو دخن البارود طريت
أنا سن البحر للميل طريت
خل الطق للصد يالبيضا

قال مبدر فرعون آل فتلة :
ما تنداس ثايتنه وحدنه
مبارد ما تحت بينه وحدنه
نشگ شگوگ ونخيط وحدنه
شك ما يتخيط شگينه

قال حسن العذاري الحلي:
حدن لي بكل الناس والشر
ولا نتبع حچي النمام والشر
احنه اللي بحد الموت والشر
والموتة بكل عز نشريهه

قال مهوال مخاطبا شيخ خزعل الكعبي:
هي حرب أدول ياخزعل ماهي درنگات
وخلــهه لبو مطشـــر خلـفت الباشـــات
تراهـــــــــم صـبايا تكســــر الجيمـــات
أسأل قنصلها اشسوينه
الطوب افخر لو مگواري

قول مهوال من بني حجيم مخاطباً برسي كوكس:
يكوكس وين وجهك.. جوك اهل لملوم
تطلبك بالشعيبه, وعرضيت اليوم
لابد ما نسوي اعله السماوة اليوم
تستانس بيه… حتى امريكه

وقال مهوال
منهو الكالك هذا الدرب مأمون لازمته خفاجة وبالركن خيون
وبيه ال ازيرج عيب يهتزون مدوخ العالم كله واحنه الدوخناك

وقال مهوال
ابليل ورعيد ومطر ونزل بسكوت....
نزل بارض الشعيبه ايريد منه الكوت...
وصل يم ألازيرج وانتشربيه الموت
اسمع من قاد ابلندن ياهو الرده ابذاك اليوم...

وروى عراقي قائلا
باهيزه هي مجرى مائي بين الناصريه والشطرة نسبة الى نهر باهيز الصغير يسكن قربه قبائل ال ازيرج توقفت الانكليز في منطقة البطيحه بسبب مواجهة الاهالي هناك فارسل الانكليز مندوب مفاوض الئ قبيله ال ازيرج عارضا المغريات فقام الشيخ ذرب ال خضير مخاطبا اياه:
يلنكليزي خليني اشير باهيزه واردلك الخبر
فقال المفاوض اريد ان اذهب معك لاتحدث مع باهيزه وعند الوصول لجرف ساقيه كبيره ومن فوقها الجسر الذي يفترض ان يعبر عليه الجيش البريطاني للتوجه نحو بغداد وقف الشيخ ذرب ال خضير مخاطبا الساقيه قائلاً:
الانكليز يريدون يعبرونج يباهيزه وتفاگنه بعدهن ماتكدمت زموره وبعد عدنه ادين عمار شتكولين
وبكئ ومن ثم انشد يقول
شرناها وعيت باهيزه
فرد احد المقاومين
شرناها وكالت ماريده
وقال ثالث
شرناها وكالت كتالي
وقال رابع
شرناها وكالت مايعبر
وقال اخر
شرناها وكالت من داري
فرد الشيخ ذرب ال خضير من جديد
شرناها وعيت باهيزه
فاصاب المفاوض والمترجم الذهول

 

 

 

 

 

 

 

 

توقيع »
الاقل غير متواجد حالياً   رد مع اقتباس
قديم 22-04-2016, 11:18 AM   #2

 
الصورة الرمزية طالب الثبات

الملف الشخصي
رقــم العضويـــة : 1948
تـاريخ التسجيـل : Jan 2013
العــــــــمـــــــــر :
الـــــدولـــــــــــة : بغداد
االمشاركات : 1,684

افتراضي رد: من هوسات ثورة العشرين

اللهم صل على محمد وال محمد وعجل فرجهم والعن عدوهم
احسنت النشر والتذكير بتلك الثورة التي اذاقة
الاحتلال البريطاني مرارة الذل

 

 

 

 

 

 

 

 

توقيع »
طالب الثبات غير متواجد حالياً   رد مع اقتباس
قديم 23-04-2016, 10:33 AM   #3

 
الصورة الرمزية عاشق الصدر

الملف الشخصي
رقــم العضويـــة : 230
تـاريخ التسجيـل : Apr 2011
العــــــــمـــــــــر :
الـــــدولـــــــــــة : العراق
االمشاركات : 5,496

افتراضي رد: من هوسات ثورة العشرين

اللهم صل على محمد وال محمد وعجل فرجهم والعن عدوهم
أحسنت أخي العزيز وفقك الله لكل خير

 

 

 

 

 

 

 

 

عاشق الصدر غير متواجد حالياً   رد مع اقتباس
قديم 06-06-2020, 01:23 PM   #4

 
الصورة الرمزية الاستاذ

الملف الشخصي
رقــم العضويـــة : 12
تـاريخ التسجيـل : Oct 2010
العــــــــمـــــــــر :
الـــــدولـــــــــــة : العراق
االمشاركات : 13,246

افتراضي رد: من هوسات ثورة العشرين

احسنتم وجزاكم الله تعالى خيرا

 

 

 

 

 

 

 

 

توقيع »
اللهم صلّ على محمد وآل محمد وعجّل فرجهم والعن عدوهم
الاستاذ غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
هوسات، ثورة العشرين

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



All times are GMT +3. The time now is 04:36 PM.


Powered by vBulletin 3.8.7 © 2000 - 2024