أزمة نقاء

[align=center]
هواي دخان الهوى بأزمة نقاء
وعدنا وآدم للأسف تهوى الحريق

بالنفاهه المعدن يكون بضباب
بالمواقف والشدد تلگه الصديق

اليمشي خلف المصلح ايلوحة البلاء
يسومر ويضعف تره كتاب العتيق

وهيَّ هم عيشه التخلّص بالسكون
شحصّل الرايد ضوه ومر بي بريق

الأعمى يخسر لو كسر عوچيته يوم
ويه نوح الما صعد اصبح غريق

اصنع انتَ الفرصة اذا ماجت بديك
اليمشي بعيون العقل يلگه الطريق

وهسه نفس المشهد يعيده الزمان
وبينّه وطف كربلا الرابط وثيق

الثورة نفس الثورة والدم بعده حار
وگاطع الماي الشمر والدم يريق

شراد من عدنا وخرج ثورة ( الحسين )
وانطه دمه ودم أهل بيته العريق

مهم نعرف لأي سبب ثار ( الحسين )
وليش چان بقتله كل ظالم دقيق

لان رافض كل ظلم لأهل الفساد
السلطة رفضت تقبل اصلاحة وتطيق

شكم (حسين) إخسرنا چي بينا القصور
اليمته من غفلتنا يا وآدم نفيق

ما عبرنا وچانت گياش وأمان
وما عرفنه المطلب وصارت عميق

الخيط حَـيله شويّـه وثگيلة الهموم
والوكت وازاني اعيشن منجنيق

ويا سكوت الينفع اشگد أرد أعيش
بالنهاية نموت .. أخذ موت اليليق

منهج الطف حي تره بكل العصور
وناتج الفرد اليحدد اي فريق

هاي دنيا ولازم أتمر بالصعاب
الحلقة ضيگة وما يمر بس الرشيق
....
#محمد_العلوي
#محرّم_الحرام_1440_هـ[/align]