العودة   منتدى جامع الائمة الثقافي > القسم الأدبي > منبر الشعر الشعبي والقصيدة الولائية

منبر الشعر الشعبي والقصيدة الولائية واحة للشعر الشعبي العراقي والعربي

إنشاء موضوع جديد  إضافة رد
 
Bookmark and Share أدوات الموضوع انواع عرض الموضوع
قديم 19-02-2018, 12:24 AM   #1

ahmedadel1993

عضو موقوف

الملف الشخصي
رقــم العضويـــة : 4291
تـاريخ التسجيـل : Jan 2018
العــــــــمـــــــــر :
الـــــدولـــــــــــة : القاهره
االمشاركات : 14

افتراضي افتراضي الصدر ادى الرسالة

بسم الله الرحمن الرحيم

(اللهم صلي على محمد وال محمد وعجل فرجهم ولعن عدوهم )

قصيده بعنوان
--------------
(الصدر أدى الرسالة )
---------------------
الصدر أدى الرسالة – الصدر مات بجلالة
نذر دمه ----- أنكتب أسمه
يبو اليمه ورجالة ----- يبو اليمة ورجالة
----------------------------------------------
1-
الصدر أدى الرسالة وفهم الاجيال
مذهب جعفر الصادق فلا ينزال
حوزتنة الشريفة تخرج الابطال
آيات وفطاحل للامم أمثال
نيران وصواعق عالظلم زلزال
دوم تحارب الظالم على كل حال
الصدر وفه الامانة ---- بفتاويه ولسانه
نشر علمه ---- فضح خصمه
كتب بالدم مقاله
-------------------------
2- الصدر من باب علم الصطفى أستلهم
الفقه وشما وراه أشحلل وحرم
موسوعة علم للمهدي بيه أنظم
عالم أمة الاسلام لو تعلم
النبي هايه الزعامة – بفضل حيدر امامه
بهدى العصمه – هدى الامه
وكشف عنها الجهاله
-------------------------
3-
الصدرخط الشهادة عليه مشه بأصرار
موت السيف راد بنفسه هو أختار
ما هاب الرصاص ولا رمى ألأشرار
مصادرها الدروس حسين أبو الأحرار
الوگف يوم الطفوف أيقدم الأنصار
الصدر سار بمسيرة – صدگ يصعب نظيره
رغم علمه -- مشه بهمه
على الموت أبساله
---------------------------
4-
الصدر تلميذ ابو السجاد
الما بايع يزيد ولا خضع لزياد
ما همه الجموع وكثرة الاعداد
الصدر هاى النفس قدمها والاولاد
كتب صفحة مجد مختومة بستشهاد
شما راد الخصم منه الصدر ما راد
درس هاى المواقف – صبر شيمه وعواطف
أخذ عزمه --- من ابو اليمة
شهد خصمه بنظاله
------------------------------
5-
الصدر مشعل هداية ينور الايام
كسرها القيود وحرر الاحكام
أمثله وذان فجر يوعي النيام
فزوا للصلاة للسجدة ولاحرام
صدك من گال بعدك نرد أيتام
نايم بالگبر وتخوف الضلام
يضل عايش محمد – الصدر والامة تشهد
اجل ختمه ---- بصدى الامة
الغجر منهو بحالة
-------------------------------
6-
مامات الصدر بس موتنه الخوف
ماضمه الگبر لو البصيرة اشوف
حسين المن طلع والمن تلگه سيوف
مو حارب فساد ويامر بمعروف
تلميذ الصدر حارب عى المكشوف
مو حگ لو نزوره ويم ضريحه أنطوف
الصدر لاجل البصيرة – سراج ايشع ضميره
على القمة --- يظل بسمه
ويظل نور أيتلاله
------------------------------------
7-
مامات الصدر ما عاشت الظلام
الصدر خلة الضمائر تسهر ومتنام
گعدها وتگول بيقظة لو احلام
من كابوس عايش بيها صار اعوام
الصدر بلسم جروح الشيعة يا اسلام
شما نكتب تظل ما وفت الاقلام
الصدر فلتة زمانة – حمل للعز لوانة
الگلب ضمة ---- على رغمة
ياهو الابجالة
---------------------------------------
8-
الصدر يستاهل نزوره ونجر حسرات
ويستهل يشيعة أنكثر الدمعات
يم گبره نصيح بحرگه لا مامات
هيهات اليظن ننسه الصدر هيهات
المدارس موحشه من عگبه والحوزات
الفرج يمته ياحاضر الشدات
يحيدر من يدافع --- نزف دم المراجع
ثلم ثلمه ---- شكثر حلمه
الصدر غايب هلاله
----------------------------------------
9-
من بعد الرسول وحتى هذا اليوم
گلى بيا زمان العدل ما مظلوم
يا ساعة العلينة تمر بلايه هموم
الطفل سنتين ما يرضع صبح مفطوم
وأحنه العمر كله الحتمي والمحزوم
نرضع بالمأسي ونحسد المظلوم
رضعناهه رضاعة – فردي وهم جماعه
على الحگ والعدالة
----------------------------------------
10-
من كسر الظلع لليوم كثر أحزان
لو نار أنطفت شبت خمس نيران
ما ننسه الخلافة الصارت المروان
طريد الله ورسوله أيمثل القرأن
الحسن مسموم وحسين أنذبح عطشان
چم معصوم گبره أيظل بلا عنوان
أهل بيت النبوه --- الدهر بيهم أسوه
بلا رحمه --- ضرب سهمه

 

 

 

 

 

 

 

 

ahmedadel1993 غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



All times are GMT +3. The time now is 09:50 PM.


Powered by vBulletin 3.8.7 © 2000 - 2024