العودة   منتدى جامع الائمة الثقافي > القسم الأدبي > منبر الشعر الشعبي والقصيدة الولائية

منبر الشعر الشعبي والقصيدة الولائية واحة للشعر الشعبي العراقي والعربي

 
 
Bookmark and Share أدوات الموضوع انواع عرض الموضوع
Prev المشاركة السابقة   المشاركة التالية Next
قديم 26-11-2012, 12:17 PM   #1

 
الصورة الرمزية نزيلك سيدي

الملف الشخصي
رقــم العضويـــة : 42
تـاريخ التسجيـل : Nov 2010
العــــــــمـــــــــر :
الـــــدولـــــــــــة : بلد المقدسات
االمشاركات : 1,396

حصري قصيدة دنيه ما بيها بس هم وغدر مكتوبة للشاعر عبد الخالق المحنة لعام 1434هـ

اللهم صلِ على محمد وآل محمد وعجل فرجهم والعن عدوهم
اخوتي الاعزاء عظم الله لكم الاجر بمصاب ابي الاحرار الامام الحسين عليه السلام
اقدم لكم قصيدة (دنيه ما بيها بس هم وغدر) مكتوبة
للشاعر عبد الخالق المحنة لعام 1434 هـ ارجو ان تنال رضاكم

دنيـه ما بـيها بس هـم غـدر دنـيه

ومنـيـن اجيـبــلـها الصبر دنـيه

راوتـــني نجمـــات الظــــهر دنـيه

************

لـيلـة وداعـك ثـوانـي بـسرعـة مـرت

جـانـت أسرع من دمـعـتي

لـحظـة فـراكَـك مـسـافـة بـلا نـهـايـة

هـواي أطـول مـن دمـعـتـي

والـعـمر بـالـفـركَـة يـطـول يـمـته يـخلـص

حـتـه أخـلـص من غـربـتـي

دهـري راونـي أنـواع الألـم دهـري

كـل لـحظة يـرمـيـني بسـهـم دهـري

واعـرف نـهـايـة هـالـعـمر دنـيـه

*************

يـبنـي كـل الـراح يـرجـع تـدري يوسف

رد قمـيصه للبشـارة

وآنـه كلـكـم ضـيعـتكـم مـرة وحــدة

مـا اجـيتـوا يـالغَــيارة

يـبنـي ويـن الــكَه قميـصـك حـــته اشمـه

بلـكـي كَــلبـي تطفـه نـاره

وينـك يتــارك بكَـلبـي رمح وينـك

لـو انسـه يسـئلنـي الجــرح وينـك

خلتنـي للـمـوت انتـظر دنـيه

**************

تـدري أول كلمة اكَلـك من اشوفـك

يـا حبـيبي أحلـى كلـمة

تـدري آخـر حـلـم عـمري المـا تحقـق

ويـنه نـحرك اردَ اشـمه

تـدري اجمـل كلـمة عـندي شـنهـي يبـنـي

من صحتـلـي ها يــيـمـه

يـمـه معـقولة ما تـرجـع بـعد يـمه

يـمـه أم البـنيـن بـلا وِلـد يـمه

ذابـحنـي يـا سيـف الهـجر دنـيه

*************

يشـهد الله مـا نسيـتك لحظـة وَحـدة

وانته دومـك اعلـه بالـي

من كثـر مـا بـسمـك الـهج صـرت اشـكـن

وانـته يـمـي مـو خـيالـي

أنجـوي بنـارك ونـادي اكَـرب اكَـرب

يالـعفتـنـي هـذا حـالـي

يـبـنـي أطّـشر اجـروح وصـحـت يـبـنـي

أبـجـي وعـلـى وجـهي طحـت يـبـنـي

بـعـدك ولا واحــد يـمـر دنـيه

*******************

تـاكـل بـروحـي الليـالـي واشتكـيلـك

يـمـه ارجـع ويـنـك انـتـه

وارسـم اهـمـوم بـطـريـقك مـرة اكـتب

بـس تعـالـوا مـره يـمتـه

يـا لـطريـقك بــيـه يشـعر مـن أسـئلـه

مـا يـجـاوب يـبجـي سـكـته

أرجـع يـا لمـاخـذ ويـاك الشـمس أرجـع

يـا بـاجـر وحـلـم الأمـس أرجـع

مـجـبورة أقـبل أي عـذر دنـيه

*******************

آنـه أدري مـا تـردلـي بـس احـاول

مـا اصـدك فـاركَـتـنـي

تـالـي بـن حـذلـم اجـانـي وكَـتلـه جـاوب

أبـنـي ويـنـه عـذبـتـنـي

ضـل يعـددلـي إبـنـينـي وفـكـري يـَمـك

انـتـه وحـدك حـيـرتـنـي

نـوحـي أبـنج صـريـع بـكـربـلـة نـوحـي

مـسـبـيـة كـل الـعـايـلـة نـوحـي

والـشـدة زيـنـب بالـيـسـر دنـيـه

********************

أنـتظـر زيـنـب تـعاود وأمـشي لـيـهـا

لازم اسـئل عـن اخـوهـا

عـن كَـمر هـاشـم سـؤالـي والـكـفلـهـا

يـبـقى سـاكـت من سبـوهـا

أبـنـي بـس غـيـرة وحـمـية وشـيصـبره

يـمـه زيـنـب سلـبوهـا

أخـتك كَـتلك أمـانـة بـركَبتـك أخـتك

كَـلـبـي يـكَلـي عـذرتـك أخـتك

عـد زيـنـب عـتاب شـكـثـر دنـيـه

 

 

 

 

 

 

 

 

توقيع »
اللهم صل على محمد وآل محمد وعجل فرجهم والعن عدوهم








التعديل الأخير تم بواسطة نزيلك سيدي ; 13-12-2012 الساعة 02:56 PM
نزيلك سيدي غير متواجد حالياً   رد مع اقتباس
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



All times are GMT +3. The time now is 02:30 PM.


Powered by vBulletin 3.8.7 © 2000 - 2024