العودة   منتدى جامع الائمة الثقافي > قسم صوتيات جامع الائمة > منبر قم جدد الحزن للمراثي والاحزان

منبر قم جدد الحزن للمراثي والاحزان لجميع القصائد المرئية والمسموعة ومجالس العزاء

إنشاء موضوع جديد  إضافة رد
 
Bookmark and Share أدوات الموضوع انواع عرض الموضوع
قديم 29-06-2020, 10:16 AM   #1

 
الصورة الرمزية الاقل

الملف الشخصي
رقــم العضويـــة : 211
تـاريخ التسجيـل : Apr 2011
العــــــــمـــــــــر :
الـــــدولـــــــــــة : العراق
االمشاركات : 12,641

حسين من نور التجله إلموسى عالطور

من نـور التجله إلموسى عالطور...إگصد للشريعه وشاهد النور
منشور...منشور العلم تلـگاه منشور
* * *
لاتظل يا صاح تبحث بالمناهج والطرائق
إتبصر إبنور ألإلهي إو صير من هالنور واثق
هذا نور إلبيه تمشي الناس بدروب الحقائق
هالنور نبراس العدل...هالنور بالحگ متصل
هالنور ميراث الرسل...وإبجلال ألله فايق
هذا النـور يزهر من التكوين...هذا النور من قدسية الحسين
هذا النور...للعباس دستور
منشور...منشور العلم تلـگاه منشور
* * *
نور من أفق الشهاده وإبسماء الغاضريه
گمر من هاشم تجله بالنجوم الهاشميه
فرج للشده شعاعه إو يگضي حاجات البريه
من كتب باللوح القلم...عالمشرعه ركّز علم
وإبعين كل حاسد سهم...بالإراده السرمديه
هذا النور عينة بطل صفين...هذا النور مشعل صهوة الدين
هذا النور...بالعباس مأثور
منشور...منشور العلم تلـگاه منشور
* * *
لا تشك يا صاح لو شاهدت من هالنور آيه
نور سرمد وإيتشاهد من مصابيح الهدايه
ألله يشهد بيه محمد فرض عالناس الولايه
أصل الديانه والفرع...حـاذق إبهالنور ويشع
إو زينة سماوات السبع...من المبدأ للنهايه
هذا النـور للمسلم براهين...هذا النور نار إعله الفراعين
هذا النور...بالتأويل مذكور
منشور...منشور العلم تلـگاه منشور
* * *
جمل الباري محمد من بهائه ومن جماله
إو لعد هذا النور محفظ جعل مشكاة الرساله
إو من رسول ألله تبادر نور لأرباب العداله
والنور بالحكمه إبتدر...من جوهرة سيد البشر
بثلث طعش چوچب زهر...من أصل نور الجلاله
للعباس من هالنـور تعيين...متعين من الصوّر الكونين
إو من گالت بله ألأرواح مذخور
منشور...منشور العلم تلـگاه منشور
* * *
للبشر جاعل الباري عقل متنور وكامل
والحواس الخمس بيها إتميز الحگ من الباطل
وألأشباح الخمسه من هالنور يتبادر مناهل
للعالم وبيك إهتدي...إبدعوة محمد تقتدي
إو تمشي عله ضي الوحـي...ما يظل بالناس جاهل
وإكمـال العقل حب الميامين...والباري إفرضه إبمحكم التبيين
إو بيهم كل عمل عند ألله مشكور
منشور...منشور العلم تلـگاه منشور
* * *
روح أبو فاضل فضيله والفضل ثوب إيحلاله
جاهد إو ناضل الدينه منشكر جهده ونضاله
باهل الكوفه وأهلها إبشفرة السيف إبتهاله
عجب ملايكة السمه...إبساعده وزوده وصارمه
كافل ودايع فاطمه...وإشتره إبدمه الكفاله
عبـاس إشتره إبگطعة الچفين...هاي الغانمه وعزة الدارين
إو صيوانه إعله شاطي النهر معمور
منشور...منشور العلم تلـگاه منشور
* * *
سجل التاريخ يوم الگمر هاشم ما تصوّر
الحمزه والعباس چنه مثل حيدر بالمشاطر
إو طاح بحجور الشهاده طيحة الطيار جعفر
طالع إبتاريخ المجد...إو للمشرعه سير إبرشد
وللرايد إتشوف الگصد...إبعين إيمانك تبصر
وإتمثل جسم مگـطوع ألإيدين...وإحني إضلوعك إو هل دمعة العين
إو شوف إشلون ظهر حسين مكسور
منشور...منشور العلم تلـگاه منشور
( ديوان المرحوم الشيخ الشاعر: كاظم منظور الكربلائي( ت ١٣٩٤ هـ )،العباس بن علي عليهما السلام، موقع القصائد الولائية )

 

 

 

 

 

 

 

 

توقيع »
الاقل غير متواجد حالياً   رد مع اقتباس
قديم 30-06-2020, 10:02 AM   #2

 
الصورة الرمزية الاستاذ

الملف الشخصي
رقــم العضويـــة : 12
تـاريخ التسجيـل : Oct 2010
العــــــــمـــــــــر :
الـــــدولـــــــــــة : العراق
االمشاركات : 13,247

افتراضي رد: من نور التجله إلموسى عالطور

احسنتم وجزاكم الله تعالى خيرا

 

 

 

 

 

 

 

 

توقيع »
اللهم صلّ على محمد وآل محمد وعجّل فرجهم والعن عدوهم
الاستاذ غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
منشورـ منشور

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



All times are GMT +3. The time now is 10:58 PM.


Powered by vBulletin 3.8.7 © 2000 - 2024