الى من تحت اقدامها الجنة

بعد ما حاجة احلم كل حلم موجود

تحت رجليهه كل احلامي مبنيه

تتنطر كبرتي وهيه تدري الحال

كل ما عودي يكبر تنحني شويه

كبل لا جدمي يعثر تشهك من بعيد

لذلك عــــــن بعد توصلني حنيه

صحيح اميه لكن عدهه دكتوراء

جراحـــــــة حزن تستأصل اشبيه

ما راحت تحج حجته صارت وين

صارت من تطوف اخواني ليليه

تصعد فوك همهه وترجم الشمات

امي العلمـــــــــتنه الدنية مكظيه

انام بسد صيرهه ويغفه حتى اليل

ودللول الولد عدهه اجمل اغنية

سكتته وحجيهه وكلشي منه ايصير

درس من عنـــده ناخذ رغم امية

دستور الخجل شايلته وصط العين

وذا من جفــهه تاكل تلكه حنيه

طيبتهه طبـــــع من الله بالتكوين

بس تلكه القساوه العدهه وهمية

امي ولاية بيضه وما يمرهه الليل

وامــــي المدرسة الربتنه عالنيه



مصطفى المياحي