عام الطفوف

عام الطفوف

يوم الطفوف اختلف ** العباس لمن نوه

تخيل فصول السنه ** كلهن جمعهن سوه

وفصلين دخلن حرب ** لمن نزل للنهر

نازل اشفافه الشته ** والصيف بيهه انتصر

والماي رد منكسر ** وبالجربة عاش الاسر

والغيم حس بخجل ** من شاف حال النهر

وانكسر سوك المطر ** وتمنه روحه حجر

فصل الربيع الخيم ** ويتاني بــــس جيته

فطروا كلب الورد ** من مزقو جــــربته

ولو واصل بجربته ** وحسين كلبه روه

جا صار بيهه صلح ** والماي خاوه الهوه

وجا هسه قاع البحر ** تكدر تسكنه البشر

لكن جماد الانس ** كطعوا طريق النفس

ونور الله رد للسمه ** وعصر الضلام ابتده

وجه الربيع اختلف ** من صابه سهم العده

عبد الله لو مرتوي ** يحكمنه هسه النده

لكن حصل ما حصل ** وصار بضهرنه الامل

وحنت علينه السمه ** من اثار ذاك الدمه

دم الرضيع النزف ** لو طايح اعلى الارض

بيهه الخضار وعلي ** جا صله اخر فرض

وفصل الربيع انتهى ** ولا يوم منه سلم

وحبل البرائة انكطع ** والدنية مطرت وهم

وضلت وحيده الشمس ** والليل كله هجم

وجف الخريف بحقد ** حول الخيام التوه

وبناره هز الخيم ** وتساقط اشـــكد ضوه

وصوفر وجهه الارض ** والليل غطه السمه

وبالدنية كلشي انطلب ** لحسين ماي ودمه

مصطفى المياحي