قصة قصيدة زينب لفت يم حسين

قصة قصيدة زينب لفت يم حسين
بسم الله الرحمن الرحيم
اللهم صل على محمد وآل محمد وعجل فرجهم والعن عدوهم

في لقاء مع الرادود سيد حسن الكربلائي منشور في موقع 14 معصوم، وجه له السؤال الآتي :
"سيدنا.. نحن نؤمن بتدخل وعناية الأئمة وبتوجيه خدامهم والأخذ بأيديهم للتوفيق والنجاح... فهل من شواهد تذكر للتدليل على صحة ذلك؟
فاجاب:
يحضرني كشاهد على ذلك ما وقع للمرحوم سيد عبد الحسين الشرع حين جاءه أحد الرواديد ورمى عليه قصيدته معترضاً باللهجة العراقية الدارجة:
(هاك سيدنا هي هاي قصيده).... السيد دخل بيته وهو يتساءل مع نفسه لماذا فعل فلان بي ذلك؟! .. حتى لو كانت القصيدة غير قوية برأيه فلا يليق أن يردها علي بهذا الأسلوب وبقي على ذلك حتى نام من شدة تأثره وفي ا لمنام رأى السيدة فاطمة الزهراء (عليها السلام) وإذا بها تقول له:
(ولدي لم أنت نائم؟ زينب لفت يم حسين لاكن گابعة بالهم)
وفز من نومه وبسرعة كتب هذا المستهل وشرع منه لكتابة قصيدة من عيون القصائد الحسينية ...، ونص هذه القصيدة:

زينب لفت يم حسين... لـچن گابعه بالهم
تـگله يا ضوه عيوني... عليمن هالفزع ملتم
*******
تعنت ليه للخيمــــــــه ... وتفسر الصخر ونتهـا
طبت قعدت اگبالــــــه ... وعالخد تهل دمعتهـــا
تـگله اعليك ضلع امك ... المظلومه او مصيبتها
سولف لي يماي العين
لا تخفي علي يحسيــن
عليمن هالفزع صوبين
وأشوف ابكثر عج الخيل ... وادي كربلــــه غيم
*******
أويلي من سمعها احسين... سالت دمعة اعيونــــــه
يـگلها أخاف أسولف لـچ... او وجهـچ ينخطف لونه
ابـچتلى او چتل أهل بيتي... يختي الـگوم يردونــــه
ولا بد ما تشوفينــه
فوگ الثره امـگطعينه
يزينب لا تنوحينــه
عينج عاليتامه النــــــــار... لو شبت بالمخيــــــــم
******
تـگله الكاتبك يحسيــن... من هالناس چـا وينه
يـگل لها يماي العيـــن... كلها انـگلبت اعلينه
تـگل له حمل اضعونك ... او سدر للوطن بينه
يـگل لها ما يخلوني
أسدر بعد بضعوني
نيتهم يـچتلونـــــــي
ولابد ما تشوفينــــــي ... او شيبي يـگطر امن الدم

*******
والأكبر عالأرض مطروح ... يختي عيونج اتشوفه
او جاسم عالثرى مرمــــي ... ابدال العرس والحوفه
وأخوج اعلى النهر نايــــم... ويمه امـگطعه اچفوفه
او يمه رايته او جوده
او عينه ابسهم ممروده
بطل حيلي على ازنوده
لو شفتيهن ابكتـــــــــــره ... او جسمه اعلى الثره امخذم
*******
يختي او سهم المثلـــث... ابدلالي تشوفينـــــه
او عبدالله الطفل يختـي... ابدم نحره امطوقينه
او لو شفتي الشمر يمي ... ابعدي او لا تحاچينه
تراه هو يـگطع ابنحـــري
او يتربع على صــــدري
يزينب عايني او صبري
لمن يحكم الباري ... او هوه ابحالنا أرحم