عشق علي

رحت الطبيب العلل كوني انا معتلي
لما نظر حالتي شاور اخوتي وهلي
گاللهم ابنكم ترى بداء العشــك مبتلي
گالوله شوف الگلب ابيا محب مبتلي
گام الطبيب وفحص لكن تبسم إلي
گاللهم لگيت الگلب كل دگة ينبض علي

اللهم صل على محمد وال محمد وعجل فرجهم والعن عدوهم
الكعبة اشرف محل وتشرفت من وصُل
للدنيا حامي الحمة وبحبه كصًّت وصِل
متعوف حب الوصي لو كطعوهة وصل
مو حبة حتى الحجر من شاف سيفة أحد
عالشرك وبحملته تشهدله عملة أحد
يوم التحزم علي بالقل هو الله أحد
كرار لا مايفر المرتضى شيمَّتّة
الكعبة زادة شرف وبلهة أهي شمتّة
مو حقة من ينحسد وتمد لسن شمّاتة
من حيث طينة علي خلطة ملاك او بشَر
تلكاه وجه يشع خير وسلام او بِشر
وعدوانة من شافتّة طاحت ابشدة او بشر
يا صاح طبعا نحب مو احنه دم والحمة
وهنياله من شايعّة وبحيدر اسمه الحمة
ومأجور كلمن حضر ميلاد حامي الحمة
ويالسامع اعلى النبي والآله سلم وصل.
مشاركة رائعة
بوركت

اللهم صل على محمد وال محمد وعجل فرجهم والعن عدوهم
..............
كلبي ايحبك بصوته وصمته
علي يل نصّبك طه وصي أمته
عمري أنجان صليته وصمته
بغير أهواك ما يشفع اليّه

............

الاخ الغالي ابو احمد مشاركة جميلة ورائعة وفقك الله تعالى

اللهم صل على محمد وال محمد وعجل فرجهم والعن عدوهم
*وحَـــكَ اللي قلـــع خيبر علينـــا
فرض واجب يضل حُبه عَلينـــا
أمـــر مـن خالقـــه نصه علينــا
بتنصيبه شــــهد خيـــر البريــه

*ألك بالكعبـه ياأبوالحسن منزل
وألك رب العــرش أيات منزل
وألك سبطيـن عنهــم ابد منزل
وألك صارت كفوا الزهره الزجيه

انتـــــــه جفك ياعلي امره عجيب
صـــــــــــــار للاسلام ياحيدر رمز
ســاعه اشوفه بالحرب يكَطع ركَاب
وســاعه اشوفه ياعلي يوزع خبز


سيف حيدر لو وكَع فوك الركَاب
يخــــطف اركَاب الزلم من وحده
ويمــــــــه عزرائيل يكَعد مايكَوم
خــــاف راسه ينخطف ويه العده
مشكور يا ابو احمد على هذه الابيات الرائعة والجميلة اسأل الله لك دوام التوفيق وشكرا للاخ ابو علي والاخ طالب رضا المعصوم على الابيات الرائعات بحب امير المؤمنين نسأل الله بحق علي عليه السلام ان يرزقنا شفاعة علي عليه السلام

اللهم صل على محمد وال محمد وعجل فرجهم والعن عدوهم
احسنت اخي على هذه الابيات الجميلة
حشر ك الله مع محمد وال محمد