اجــــــــه العـــيد

أجـه العيد وتضعضع سد الدموع
وذا يطــــلع اهــلا له الدمــع ينــهد
ما تـــــرهم شكــــلهم اني فرحـــــان
دموع الفرح بيــضة ودمعي اسود
يسد بابي الفشل موطبعه مسـدود
خايف من افتحه أجروحي تـكعد
ورغم بالبيت لكن جني مسـجون
وحس الباب يعرك لو علــيه صد
وكل لخواني لحد يفتـــــح البــاب
لا جــف الفــشل يصـــطرله احـد
ثوب العيد ينـــضم كــون للعـــيد
ونــه هـم عنــدي ضـام دموع جدد
ومــي تــكلي يمه شبـــيك خجــلان
حــيدر يمـــه ثوبه انفـــتك ونـــشد
حيدر يمــــه جان بوكــــت الاعياد
يكشخ باليـــــتامة ودمــــعه عالخد
وصحيح ثـــيابي عتك لكن انضاف
مثل روحي البقــــت ما ضلمت احد
انه بالعيد اصـــــــيرا تاجر ادموع
بحيث ارقى المدامع بيــــــهه اعيد
بالعيد اعلى بابي ايعشــــعش الطير
وعلى عتبت صفنته اجنــــاحه يمتد
غطه العوز ايتكشف من يجي العيد
ويم الناس دمــــعي بجفنــــــي يلبد
هذا العــــــــيد عدنه وباقي الايام
لا تســــأل عليـــــه شلــون تنــسد
غيري جناح عنده وصاحب الغـيم
وانه من الثــلج جابولي مـــــصعد


مصطـــفى الصــدري