حره مسبيه وتصيح فدوه اروحن للذبيح

يبحريني لا ابد منعوفكم*** ندعي من الله نجي ونشوفكم
نمسح ادموعك بدينه****** لاتضن احنه نسينه
ونعم منكم تجينه علومكم
@@@@@
جينه للبحرين والشيعت علي
والله واليوصل حدودك يبتلي
كل شهيد الطاح برضج من هلي
ياخـذ بثاراتـه والله بـن الـولــي
مقتده نعم المجاهد****** جين وياه ونعاهد
نرخص الكم بالدمه لعيونكم
@@@@@
مانسينه شلـون طايـح ياشهيـد
تحرر بلادك تصيح انته وتريد
من درع عبد البليس و بن يزيد
ماتـريـد تعيش عيشـت هالعبيـد
ونعم منك يغالي****** بيرغ انته وترف عالي
كلي ياهو الي يجي ويلومكم
@@@@@
وشاهدينه شلون مسبيه النساء
جنه زينب يـوم طفج كـربــلاء
عهدت زينب تسير اعلى الولاء
تدعي مـن الله يـزيـد مـن البلاء
حره مسبيه وتصيح ******* فدوه اروحن للذبيح
لو يكطعوني وذر ماخونكم
@@@@@
طالت اعلينه بو صالح غيبتك
جرح بينه شكد غميج بفركتك
دورت ثارات اميـه بشيعـتـك
شوكت تظهر وامس ضربوا كبتك
والله طال الانتظار******* تنتظر كل هالرجال
والله ما نحمل تره يشتمونكم
@@@@@
الشاعر الحسيني
ابو فزع الحلفي