خادمكم فرات الموسوي مع احد مبغضي السيد القائد لاحظو كيف تراجع واعتذر عن عدائه للسيد ( اخلاق ابناء التيار الصدري )

جرت هذه المحاورة في حرم السيدة زينب عليها السلام
كنا نشرف على توزيع اللبن وطعام الافطار للزائرين اهداء لاموأتنا وأمواتكم ثم تقدم شخص وسأل والدي هل انت موسوي فاجاب بنعم
الأخ: مو صدري ان شاء الله
فرات : ليش حبيبي الصدري شبيه
الأخ : لا الصدري اليتبع السيد محمد الصدر شيئ واليتبع السيد القائد شيئ اخر
فرأت : انته شيعي
الأخ : بالتأكيد بس ليش
فرات : لا فقط اليتبع علي عليه السلام شيئ واليتبع الحسن والحسين شيئ ثاني
الأخ : يعني انته تشبهم ببعض
فرات : حبيبي شنو منزله علي من الحسنين عليهم السلام
الاخ : اولاده
فرات: شنو منزلة محمد الصدر من مقتدى الصدر
الاخ :ابنه
فرات : اذا انته تحب السيد الوالد وما تحب السيد القائد وحجتك بطرف لسانك وتتكلم على سيد مقتدى ثق واعتقد بعض البشر تكلمو على محمد الصدر بحياته هكذا ومن فقدوه ناحو لمصابه بس نفقد السيد لاسامح الله راح اتبكون اكثر من عدنة عليه
الاخ : حبيبي انته ظاهرا قافل بحب مقتدى
فرات: انته فقط انطيني واحد بشجاعة السيد لا تغتر بالي صار صيتهم من صيت الجيش وصعدو بأسمه وكلهم يتكلمون بأسم محمد الصدر همه ما يتبعون السيد القائد ليش اسم والده يذكروه ويدعون الأنتماء اله
الأخ : طبعا هذا ردكم بس شنو تريدون بسالفة التظاهر
فرات: عندك واحد من الاهل بالحشد
الأخ : اخواني
فرات:كم شهر ما مستلمين راتب
الاخ : سنة وكم شهر
فرات : ما تريد حقهم
الأخ : بالله صحيح بس السيد ( طبعا الأخ كل الحديث ما ذكر كلمه السيد بحق السيد مقتدى لكنه ذكرها هنا ) يتهمنا بكونا ميلشيات وقحة
فرات : يعني انته مرتكب جريمة أو قاتل مدني او منتهك حرمات او معتدي على مقدسات
الأخ : لا اعوذ بالله شنو من جهاد هذا اذا راح اسوي هيح
فرات : الينفذ الامور هاذي ميلشيات وقحة واذا ما تصدگ اخي شاهد باليوتيوب
الاخ : حقنا يا أخي عدنا شهداء ناخذ بثارهم
فرات: انته والشهيد على راسي اقتل داعشي بطريقة تكون افضل يعني خاف من الله على الاقل بالله اقتله شلون ما تحب ليش تصوير ونشر هسه يگلي اخوف الباقين بس انته شوهت سمعة الحشد انطيت وثيقه ومادة يستخدمها الاعلام الداعم لداعش ارعبت الناس اغضبت الله احييت القتل والبدعة اكمل بعد لو كافي اخوية
الأخ : عفوا اخي الله يحفظك ويحفظ السيد مقتدى بس شنو هالدفاع موسوي ما تنگدر
فرات : وهسه انته شيعي
الأخ : اخي شيعي واحب اهل البيت وحق عمامتك واحب السيد الوالد والسيد القائد ومشكور عالنصيحة بس سؤال حتى ما يبقى براسي أي شيئ ضد سيد مقتدى الصدر السيد ليش انهى اعتصام الخضراء وليش اعتكف
فرات :اولا لو ما السيد انهى اعتصامات الخضراء ما كنت راح تعرف منو الفاسد لأن الكل كان ينادي بالاصلاح والسالفة ضايعة بعد الانسحاب الكتل صرحت ' لم نعط اي تفويض للعبادي بشأن الاصلاحات '
ثانيا، السيد محمد الصدر كان معتكف وصنع بصدام ما صنع السيد القائد معتكف وصنع وسيصنع بالفساد ما يذلهم وانته ايضا تابع فشل السياسين واهم امر انته متوقع امريكا الي اغلب السياسين يتبعونها خدما لها ماتنسه ما فعل بها السيد ورجاله ومواقفهم الكريمة من الاحتلال
‏ الأخ: اخي والله كانو يتكلمون عن اموال دفعت وكلام اخر بس احنه صدگ انغشينة بالسيد فعلا الذهب يبقى ذهب ومشكور والله يعزك سيدنا ما قصرت وعذرا منكم اريد اصلي ركعتين بنية الاستغفار لساني هواي ظلم السيد
فرات : تقبل الله مقدما اخي الحبيب
‏((( طبعا لكل شخص اسلوبه في الاقناع ولكنني استغرب اسلوب الأخ فرات وهدوء الحوار وكأنه يتغاضى عن سب المقابل له فهو يجيبه بطريقة التودد وصون اللسان بدل الرد على الشتائم واكيدا تم حذف الشتائم من الحوار دمتم لخدمة المذهب وال الصدر الكرام )))
حيدر الموسوي

اللهم صل على محمد وآل محمد وعجل فرجهم والعن عدوهم
صدر حديثاً كتاب للاستاذ علي الزيدي دام توفيقه / مقالات ودفع اشكالات من الاعتصام حتى الاعتكاف

اللهم صلي على محمد وأل محمد و عجل فرجهم وألعن عدوهم.
احسنت حبيبي الرائع فرات هكذا هي اخلاقنا نعلم الناس حب السيد بالتفاهم كما اوصانا الحبيب المقتدى اعزه الله