اشهر السنة باللهجة العراقية

اشهر السنة باللهجة العراقية

1 كانون الثاني
كانون ثاني شهر واحد يلتحسبون
اثلاثين يوم او يوم أيامه تعدون
أفطن واخبرنك نهاره عشر ساعات
او يبده النهار ابيوم ثاني بالزيادات
والسابع او عشرين منه بالحسابات
يدخل ( الازرك ) حسبته ويهل العيون
............
2 شباط
والثاني شهر اشباط معروف العلامه
اثمانيه وعشرين محسوبه ايامه
ايصير اهدعش ساعه نهاره ها تمامه
او ينتهي ( الازرك ) يوم ثالث بيه تدرون
او عشرين من اشباط ها اخر الستين
( الجله ) الجبيره و ( الزغيره ) يامحبين
وشباط يوم اربعطش محسوب تعيين
اسبوع ايامه برد والكل يعرفون
...........
3 اذار
ثالث شهر اذار واحد والثلاثين
او ساعات عشره عد نهاره او ضيف اله اثنين
اسبوع ( العجوز ) ابيوم عاشر يطرف العين
او بالواحد او عشرين ( نيروز ) اليعيدون
...........
4 نيسان
والرابع اثلاثين ينعد شهر نيسان
وثلطعش ساعه نهاره ابدون نكصان
والثامن او عشرين منه ابيومه أبيان
أتغيب ( الثريا ) وأربعين ايامها أتكون
............
5 مايس
أو خامس شهر مايس او مايس شهر معلوم
أثلاثين ايامه او واحد هاذ مفهوم
واربع طعش ساعه نهاره أيصير باليوم
بعده يجي أحزيران واعرف عنه اشلون
...........
6 حزيران
أحزيران شهر السادس أثلاثين أهو تام
واربعطش ساعه او كسر ساعات الأيام
أطلوع ( الثريا ) أبيوم ثامن منه كل عام
مجموعها نجمات سته من تنظرون
...........
7 تموز
أو سابع شهر تموز معروف الحراره
اثلاثين يوم أو واحد أو مدة نهاره
ساعاته عشره واربعه هاذ قراره
( الباحوره ) اثلاثين والواحد تشوفون
..........
8 أب
والثامن أثلاثين والواحد شهر أب
وثلطعش ساعه نهاره أو حره لهاب
( الباحوره ) خمسه تنتهي ومن الشته باب
ينفك حواسيب الزمن هاذا يكولون
.........
9 ايلول
تاسع شهر ايلول ويامه عددها
اثلاثين ونهاره اثنعش ساعه نعدها
و ( أسهيل ) يوم اثمنطعش يطلع بعدها
( بعراكنا ) وبيلول سيروا ولا ( تكيلون )
..........
10 تشرين الأول
أو عاشر شهر تشرين أول ياجماعه
أثلاثين يو ايامه او واحد تباعه
مضبوط أخبرنك نهاره أثنعش ساعه
أو ليل او نهاره ابهل شهر هاذ ايتساوون
...........
11 تشرين الثاني
أو شهر اهدعش ها حسبته تشرين ثاني
اثلاثين يوم او يعرفه الكاصي والداني
ساعاته عشره لا دقيقه او لا ثواني
أو هذا العدد مابيه لا زايد ولا دون
..........
12 كانون الأول
شهر اثنعش كانون اول يا محله
اثلاثين يوم او يوم ابد مابيه زله
أو تسعه أوكسر ساعه نهاره ايصير كله
( أجويريد ) يوم اربعطش يجرد بالغصون
حسبة ( الجله ) الماعرف بيها اكله
لليعرف أفصول السنه ايروح او يسئله
اثلاثه او عشرين بيه تدخل ( الجله )
شهر أثنعش معروف الأول شهر كانون

الشاعر الشعبي عبد الحسن المفوعر السوداني (1920-2006)

اللهم صل على محمد وآل محمد وعجل فرجهم والعن عدوهم
احسنت النشر اخي الغالي

اللهم صل على محمد وآل محمد وعجل فرجهم والعن عدوهم
احسنت النشر اخي الغالي

اللهم صل على محمد وال محمد وعجل فرجهم والعن عدوهم
جزاك الله خيرا اخي الكريم

احسنت النشر اخي الغالي