قصيدة ' ثورة اصلاح ' الشاعرة ام رائد الكعبي

بيان اصدر القائد صرح وگال
عالفساد هاذا اليوم رايد منه ثورة
منها اول شرارة بطف الحسين
من ثورة دمه المنگطع نحره
من أسرت زينب قصر الانذال
وشمخ قبر العقيلة وزال قصره
وبعدها توارثت هالثورة بالدين
وصارت للصدر بيده وبأمره
اعلنها ابو هاشم ثورة اصلاح
على الفاسد اجت ساعة الگشرة
اليبيع المدن وينادي بالدين
وع الجايب دواعش شنهو عذره
نشلعهم شلع والقلع هم جاي
وينة الباگ نفط الشعب. ؟ برة !!!
وين الچان يحچي. يهدد. يصيح
الكرادة وبلد اغلى من عمره
فشل گظه العمر وبذمته الصار
دم سبايكر دم اليفجرة
ولا واحد سياسي وصرح بصوت
ياناس الحكومة اصبحت قذرة
اذا تتظاهر يفجرونك بعبوات
فلان الي نهب كسروله ظهره
نعم سيد يثور الموطن وياك
لان غيرك فلا واحد ينصره
ابو هاشم عراقك رايدك دوم
تضمد جراحه يا قائد العبرة
منك هالزلم عبرتها بالاخلاق
يتاريخ الجهاد النشم عطرة