الفصل الخامس ((مجموعة المتدارك ))

الفصل الخامس(
(مجموعة المتدارك ))

بحر المتدارك /
وهو من بحور الشعر العربي الثمانية التفاعيل , ويلفظ بكسر الراء وفتحها , أضافه ( الاخفش سعيد بن مسعدة ) إلى بحور الفراهيدي لتصبح ستة عشر بحراً , وسمي بالمتدارك لانه تدارك ما فات على ( الخليل بن احمد الفراهيدي ) كما قال العروضيون .

أوزان الشعر الشعبي العراقي المشتقة من بحر المتدارك
بحر المتدارك

العگيلي
عزيز الروح

البحراني


@@@@@@@@@@@@@@@@@@@@@@@

وزن العگيلي :
أحد اوزان الشعر الشعبي المشتقة من بحر المتدارك وهو من الأوزان القديمة التي انتشرت في النصف الثاني من القرن التاسع عشر الميلادي , وسمي بالعگيلي نسبة إلى عشيرة أول من نظم به وهو الشاعر ( حسن ابراهيم العگيلي ) المتوفي في عام 1890م .
ويُعتبر هذا الوزن من الأوزان الغنائية الراقصة والتي تغنى على آلة ( المطبچ) في رقصة شعبية جماعية تعرف عند العراقيين بـ(الچوبي) وكان هذا الوزن يسمى بـ( الكفلة ) كما سماها ناظمها الشاعر ( حسن العگيلي ) .
ولسلاسة وزن العگيلي ورشاقة تفاعيله عشقه العامة وأدخلوه في أمثالهم الشعبية كقولهم ( على هالرنه طحينچ ناعم ) , وينظم ايضا كقفل أو رباط للاهزوجة ( الهوسة العراقية ) مثل ( بس لا يتعذر موش آنه ) ويمكن تقطيع بيت العگيلية على طريقتين هما ( فعلن / فعلن / فعلن / فعلن ) أو ( مفعولاتن / مفعولاتن ) حيث إن تفعيلة ( مفعولاتن ) تُعادل تفعيلة ( فعلن ) مرتين .
ويُنظم وزن العگيلي بعدة تراكيب فنية ولكن الشائع منها الرباعي والعمودي والنص المفتوح .
وهذه القصيدة مثال على وزن العگيلي وهي من كلمات ( محمد العَـلوي )
صوت الونّه بأذني أسمعهه بالليل بنص گلبي وتدوي
صفنة شاعر فكره متيّه ويدوّر أي نجمة وتضوي
متروس جروح وما أحچي حته الكلمة أتأثر وتچوي
وعن يا راحة بال تسولف يومية مچودر چن بدوي
وشگد آآه وضيم بروحي وتتناطح بالدنيا وتلوي
عطشان الفرحة وما لاگي ولو بحلم تمرني وتروي
مجنون آنه الهمْ خلاني الدنيا بصيف ولابس شتوي
وصرت كتاب بچف أحبابي وياهو أللي يشوفه يظل يطوي
آنه الراسم ضحك الربعي بشحة فرحة وچنت أبذروي
ومثل الطير مهاجر حظي يمته يعود شوكت وينوي
وخيط مشيّب أصبح صبري على ساعة وينگطع أبدلوي
فلّاح الوكت بهل الدنيا شما طولت بعمرك يحوي
لجروحي يجوز أوجد بلسم ويمكن تشفه وينقص بلوي
بس جرح الصاحب شيطيبه شما أذكره أبالي يظل يچوي

@@@@@@@@@@@@@@@@@@@@@@@@