آآنه مجروح إنته لجروحي طبيـــــــــب
شلون محبوب ويعيش إبلا حبيـــــــــب
أبقى من دونك حزين – يا إمامي يا حسين
واليعوفك يا حسين يظل غريــــــــــــــــب
يا إمامي آنه غيـــــــــرك ما ألي
إنته روحي وحتى أغلى من هلي
آنه يمك كل همـــــــــومي تنجلي
يامنار السائرين – يا إمامي ياحسين
وللحوائج إنته گضاي وتجيـــــــــــــب
جدك المختار خير الأنبيــــــاء
وامك الزهراء فضلى عالنساء
حيدر الوالد تاج الأوصيـــــــاء
إنته قبلة العالمين – يا إمامي ياحسين
واليحبك بالحشر جدك يثيـــــــــــــــــب
بالحشر يحسين للشيعة شفيع
تصبح ولله والدينة مطيـــــــع
إنته للحبوك صاير سد منيـــع
ياملاذ الخائفين – ياإمامي ياحسين
وشمس الحسين بسمانه ما تغيــــب
أحنه يا مولاي عشاگ ونزور
عالدرب باقيـــــن منزل وندور
خل يفجرونه نموت بكل سرور
ما نهاب الكافرين – يا إمامي ياحسين
والمسير يظل يمولاية مهيـــــــــــــــب
نبقى خدامك لحد گطع الرگــــاب
ما يهمنه اللايم ولا كل عتـــــاب
باچر نفوز أحنه صدگ بالحساب
إلكم أحنه خادمين – يا إمامي ياحسين
وهالمحبة سرهه واللهِ عجيـــــــــــــــــب
واليعوفك ياحسين يظل غريــــــــــــــــب

كلماتي / محمد العَـلوي البغدادي