اشعجب ماموتتنه ايام فركاك
ولحظه الماانشوفك كد الف عام
حسبنه اعمارنه ابلحظات الافراك
عمرنه اطول طلع من عمر الايام
يبونه البعد عينك مالفه النوم
كبل جنه اعله ريحة صوتك انام
جانت صايتك ملجا للايخاف
وخاجيتك صفت ملجا للايتام
تعال الخاطر اعيون المراجيح
من يوم الرحت حكموهن اعدام
ابفي اعمامتك تغفه العصافير
اعله في صوتك بلابل جانت اتنام
جف العوز صلفه وبيدها احجار
وتعرف كلب ولدك يالصدر جام
السبايا اتعذبوا بس وصلوا الشام
وندور من رحت لليوم عالشام
جنت الوحدك بس انته وياك
وتشوف اكبال عينك حرك الاخيام
الا؟؟ ماكملتهه وصحنه لبيك
وبصمنه ابدم ركب مو بصمة ابهام
البراني السكنته وعاش مامات
عاف الخوف مثلك ذب الالثام
احزامك جان وكت الشده مولاي
وهسه الصحن حيدر صاير احزام
حكهه امريكا منك سيدي اتخاف
ابطرك عوجيتك وبهذلته صدام
الامس لاذت ابصيتك شالت اسلاح
وعلى اوليدك شفتهم سحبوا اقسام
الاكصار الجبتها وصارت اطوال
من اتعافوا على ابنك ردوا اقزام
يامحيي السنن يالكلك ايات
فقه من راسك انشوفك للاجدام
ابونه ومن نجيك ابعبره ودموع
ونسبل اباب كبرك عيد واحلام
ياكعبة الجمعه انزورك ازحوف
ولان كعبه اليزورك يلبس احرام
اليكتبلك شعر مفروض قديس
وكبل لايصير شاعر كون رسام