((إلى كل من يضد السيد القائد))

على عصة صبر نتوجه من أنكوم
وعلى حيل العقايد سرنه بجفانه
جبيره كلوبنه وتوسع تراهه أشكال
خلك بحر شكثر يتغاضه سفانه
سفينة أحنه بمحيط وهاجت الأمواج
بوكت أظلم نسير وكلهه عميانه
نحس لكن آمان وما شعرنه بخوف
لأن أبن الصدر مركبنه ربانه
يخسه المس صدرنه بأي حرف فد يوم
جذع شجرة ألنه صاير وأحنه أغصانه
لأن مثمر شجرنه والمصايب لا
ترامينه بحجر بس الله يرعانه
على أوتار الجرح عزفوا لحن مسموم
هاجت بي مواجع سرَت إعدانه
ثقب سوه الخضر حته السفينة تعيش
وقصد شقهم هلاك أيغرك أخوانه
نمل جنتوا بجحور وضعتوا بالرجلين
أشكروا أبن الصدر علاكم بشانه
ياهو اليعترف بيكم كبل لولاه
وهسه بكل صلافه تناسوا أحسانه
سيد مقتدى تاج ونعم من تاج
وعلى روس البشر أتثبَت أمجانه
قائدنه الألهي أبن الصدر للموت
على أعناد التضدنه وخلهه زعلانه
أسوود إعله اليضده واليضدنه نصير
ودونه الروح ترخص هيه ودمانه
مرآة للصدر قائدنه يعني يصير
ميطابق وياه وهوه عنوانه
سيد مقتدى حق كالشمس موجود
وأعمى المايشوفه وهذا برهانه
وي نهج الصدر دربك عدل وياه
ويقين الزل طريقك فاكد إيمانه
تره السيد يخوَف ناره كبره وموت
حليم ولو غضب صرتوا بخبر كانه
وي جرة نفسنه أبن الصدر شهكات
نموت ومانبيعه وغالية أثمانه
كمر لن وجهك ألنه وأحنه المحبين
نتشرف نشوفك تضوي بسمانه
كلماتي / محمد العلوي البغدادي