بعضها الناس ما تعرف علي الكرار
ويلومونا على حبك سيدي كل يوم
بعنادة اليكرهك حبنا الك يزداد
والشيعي على حبك بالمهد مفطوم
نحبك يا علي مو قصة احنة انصار
نحبك سيدي بيك العلم مضموم
على حبك امامي شگد هدينة ارواح
ونحسد كل من بحبك صبح مظلوم
شعوب الدنيا منك عرفت الايثار
من قصة منامك بالفراش بيوم
اجتمعت هالعرب تقتل نبي الاسلام
وشافوك بمكانه السيد المعصوم
يبغضونك علي عندك حسن وحسين
والعباس واولادك تشيل هموم
وذو الفقار لولاك مجرد سيف
من شالته چفوفك يفتخر ظل دوم
يبغضونك علي يوم القيامة هناك
توزع صك شفاعة لشيعتك مختوم
وتظل شيعتك تعشق اسمك ومعناه
نحبك يا علي وخله اليلوم يلوم
نكتب يا علي ونفتخر بالكلمات
نكتب يا علي وخلها التسيل ادموم
نكتب يا علي مو شغلة اعجابات
نعرف ياعلي شگد تكسر خشوم