انتَ الطريق الحق يبن ( فاطمة )
.. شبل الاسد ذااك البطل ( حيدره )


دربك مدد ( للمصطفى ) وعترته
..

الحبل المتيـن الينجي بالاخره


من الله فضل اليتبع آل الصدر
.. توفيق الهي اليخطي نهجك تره


صوتك أذان ايحبه كل متقي
.. ويبغضه بس البذنه مُنكر قره


" جكساره" گالوا صاعد ابن الصدر
.. وحقداً حچوا چي همه دون الثره


يالنورك انتَ امغطّي حتى الشمس
.. يم الضوّه الخفاش ابد ما تره


زرعك يسيّد مقتدى البي ثمر
.. اعدائه ضاجوا چي بقوا مقفره


شجرة السيّد بيها حظ وبخت
.. راموها بحجار وبقت مثمره


امبقّي علّه ابگلبه المعاندك
.. چي أول انتَ وهوه ظل ليوره


ابن الصدر ماس ويظل بالقمم
.. متنوشه اديكم مامش أي مقدره


ياهو الاجه وگال آني قائد شني
.. تنصيب الهي الشغله مو مشتره


چا هيّه گوه امفصله إعله الصدر
.. من عالم الذر حاجز التذكره


قائد ابحبّه ارخصله كل العمر
.. ونبضاتي كلهن بإسمه لزمن سره


فياي وادورن طبعي ويه الشمس
.. آمر وشوف أربيعتك حاضره


مسودن عشگ لآل الصدر للعظم
.. ونعارچ الدنيا لاجل خاطره


....
محمد العلوي