[align=center][/align]


انطرق بابك ياحيدر وانت ضليت
ما مطروق شخصك لسه بعده
شكد دارت عليك اجيوش وجيال
وعدلك بعده يلمع ما تصده
علي ارجع ولو من غير فقار
ولوجفك ولو اصبع ترده
وره جفك يحيدر روس الايتام
عليهه العنكبوت ابيوت عنده
مامسحوهه مسحو بيهن اليوم
الرصيف اشكم يتيم الأكل خده
علي استفهام شخصك عاش ويعيش?
علي الحاول يفهمك عبر حده
علي ندري الجدار انشقلك اتهون
وبعد ما دخلت امك شنهو بعده
انزلت بالكعبة منهه من السمة منين
لو موجود اصلا .. قبل مده ?
علي انت سؤال من الله مطروح
العنك صاح عاجز يفتهم. وحده
وحتى اتعيش هاي الناس مولاي
علي من عندك الله شويه نده .