يامحسن يمَّه تنيتك
*****
يامحسن يمَّه تنيتك // ماشفتك وحبّيتك ** بشهوري وبأيّامي
مرسومه وسط عيوني // ولون الفرح بظنوني ** بجَّوا ييمه أحلآمي
تاليهه ضاع حسابي
طايح بعتبة بابي
بشهوري وبأيّامي
*************
صوتك بعد ماينسمع / يبجيك يايمه الدمع / والغريب اليوم حظني
شهور تسعه منكَظت / الدنيه أيامك نست / يالحبيب أخذتك منّي
بالباب يبني تنذبح / ماشفت بعيونك صبح / ونذبح بالغدر ظنّي
أنحرم تالي شوفتك / وأشواقي أبد ماحظنتك /ويَّه صدري ينوح ونّي
عالباب جابوهه النار**لارعوا حرمه للدار** أويه الحطب صارت ستري
ريحة حطب والدخان ** أصحاب ابويه العدوان ** آلامي صارت خدري
ياحيره وين حجابي
طايح بعتبة بابي
بشهوري وبأيّامي
*************
هذا القدر لمّن حكم /بيك أبتده لمَّن ظلم /غيَّبك النورك زماني
لحشا ي صاب أول سهم / خلآهه أيامي عدم / صابك وتالي رماني
لحزاني جمّلت الحزن / ويلاه يمّه تندفن /وأني بآلامي اعاني
يوليدي بسمار الضلع / آلآمه كَوَّه تنجرع /أدّوهنت مدري شجاني
من عيني شافت عينك ** مغمضَّه ياهو أيعينك ** حالك مرد دلآّلي
مالحَّكت بيك افرح **بالهظم يومي صبّح ** وبرفكَتك يالغالي
جمَّله نوح أمصابي
طايح بعتبة بابي
بشهوري وبأيّامي
*************
كَرَّة عيوني فاركت /بدنياي هوَّه آني أشّفت /غير بس ظيم ومصايب
فاركت جدَّك دنيتي/ مافاركَتهه الدمعتي / بعده راووني العجايب
الظيم لأيّامي سبك / بابي على راسي حرك / وبتده جور النوايب
ماشفت راحه بس تعب / بالصبرعشته للعجب / دنيه بس أتلم طلآيب
تفرح بدمعي الايام ** عالباب جابت ظلآّم** بيهه لذت من شرهم
من بعد جدّك عانيت ** بحقد السقيفه أنصابيت ** وبتده ويايه ظرهم
باجر أريد حسابي
طايح بعتبة بابي
بشهوري وبأيّامي
*************
جنت أحسب اليوم المُنَه / بصدري أظمَّك ياظنه /صار تالي صبري فجعه
حرموني من شم العذب / من عندي أخذوا للأحب / والبكت بالعين دمعه
الحسر تلولي بالصدر / أخذوك من عنده غدر / وذوَّب البسمار ضلعه
بأيامي ماظل الرجه / والظيم متحزم أجه / بعد مالمتني وسعه
يابعد عيني والروح ** يم النبي راح أتروح ** وآني أنتظرهه الساعه
تحجيله عنّي وياك / أشجره علينه بجفاك / أندار الزمن بوداعه
ووصف أله عذابي
طايح بعتبة بابي
بشهوري وبأيّامي
*************
دمعه أعله دمعه تنحسب / بيَّن الصدك من الجذب / هذي أيامي الحزينه
دوهنّي بحسابه الدهر / محسن وكَع ضلعي أنكسر/ مارعوا حرمة نبينه
الدمع صب مثل الجمر / حته بجه عليَّه الصبر / حالي بجَّه أهل المدينه
ياشيعه مظلومه أظل / مهظومه أتاني للأجل / ماعشت يوم بسكينه
لاجن أبويه طه** وأمتَّه شكَد راعاهه ** صحبته ألّي آذوني
منّي فدك أخذوهه ** سنَّه وشرع حرفوهه ** بجف الحقد صطروني
باجر أريد حسابي
طايح بعتبة بابي
بشهوري وبأيّامي