لزوماً بالحشـــــــــر هم يرجع الباب
وكدامه البشر توكـــــــــــــــف سويه
وهناك ألحضرته أنمد ألجفـــــــــوف
بشرط الترفع مطـــــــــــــلوبه هيـه
وجفك يرفعه ويصـــــــــــرخ الباب
هذا الكسر ضلــــــــــــــوع الزجيـه
فعلك ما أدركه منين مــــــــــا جيك
رغم كلهن أفعــــــــــــــــــالك دنيـه
وذا حتى بسقر ماألك مكـــــــــــــان
مو حجمك كبر حـــــــــــجم الرزيه
محتار بقضيتك وين أخلـــــــــــــيك
بس سيف ألأمام أيـــــــــــــحله أليه
باجر يا وجه بي توكف هناك
كدام الرسول هناك والعـــتره
باجر وحدك توكف للحسـاب
ماعندك معين ويشفع أتنطره
ولا يرجع بعد يوم السقــــيفه
ولا يمك الثاني وتطلب النصره
باجر تنصب دكــــــــة قضاء
وتصطف الخلائق كلهه منتضره
ومحمد يستلم أمر القضــــــاء
يحاسب كل فرد ويصـدر أمره
وينضر للقضايه بنضـره وحده
ويخص قضيتك وحد بـــنضره
وتخضع للعداله بذله ندمـــــان
وينادي الرسول بشاهد يحضره
والشاهد حضر بس كتله من نور
يا حق اليطلبه وهنه كـــــــــثره
على حق الخلافه المنه سلــــبوه
لو على الورث أحجيلك وأمره
فدك أول قضيه البيه أطـــــالب
تلهب من فدك لساعه هل جمره
ومنعوني الحزن ما أحزن أشلون
وصارت عليك الدمعه خطـــــره
يا باب المصايب سولف البيـــــك
يا جف التجرء ساعة العــــصره
وبنار الحقد هجمو على الـــــــدار
والمحسن توسد ليش على الغبــره
وفعلك ما أضن يتقارن بشــــــــين
تجرء يا كلب جفك يكــــــــــــسره
مو ضلع الزجيه الهشمه البــــــاب
گـلب الرسول بساعة العــــــــصره
وجلت رحمته الباري غفــــــــــــار
ستار العيوب الشينه يستـــــــــــره
بس حد الرحمته ويغفر الحـــــــــد
ما تشرك تعبده الوحده أذكــــــــــره
وكدام الشرك كل الذنوب تهـــــــون
أصحاب الشرك في نار مستـــــعره
وذا خلي الشرك ويه فعلك أبمــيزان
كفتهن ثكيله أفعالك القــــــــــــــــذره
والفعالك نتيجه أيكون حاصـــــــــــله
لو مشرك ولا عاصر الزهــــــــــــره
لو مشرك ولا عاصر الزهــــــــــــره
كلمــــــــات مصطــفى الصــدري