يا صاحب القافله* ضربك طلع حاصله
الثنين طلعوا صفر * ناتجــهم المــــهزله
يا صاحب القافله * جاوين ذاك الحـــــجي
ناسك خذاهه البجي * وتحجيلي عالمرجله
يا صاحب القـــافله * ضيعنه حتى الأسم
امبارك عليك الحكم * وبعيرك ومحــمله
يا صاحب القــــافله * مو تدري جنه بدرب
كلش طويل وصعب * بكل خطوه بي مقصله
يــا صـــاحب القافله * مو كلنه عيد النظر
مو هسه وكت السفر * خل تجهز الراحله
يا صاحب القافله * احسابك علينه انكلب
بطلنه من الذهب * اسلملي عـل عايــــله