يا الزهرة ما تدرين --- ﮔومي وتعني لحسين
ظل مرمي عالتربان --- بچه الانس والجان
--------------------------------------
حسين ريحانة محمد اليوم يالزهرة الزﭽية
هو وانصاره واخوته الكل جثث فوﮔ الوطية
أنسلبوا اثياب العليهم يا عظم هاي الرزية
وفوﮔ صدر حسين ﮔامت تلعب أخيول ال أمية
يالزهرة والرضعان --- بچه الانس والجان
===============
حسين أنصاره وأخوته جثث مخضوبه بدماهه
أهتز عرش رب الجلالة والملك لمن نعاهه
الارض مادت بأهله حزن واحمرت سماها
الطير ووحوش البراري تنوح وتون ويه طه
تواسي النبي المختار --- والزهرة والكرار
بالمنذبح عطشان ---- بچه الانس والجان
===============
حسين بعاشر محرم الدنيا قدم هالظحايا
قدم أنصار العقيدة الخجلوا حتى المنايه
حسين أرخص دم الرضيع من اجل نشر الهداية
أرخص بدور الهواشم الصاروا أبطال الرواية
من قدم العباس ----- أصبح مثل ينقاس
للخوة والايمان -----بچه الانس والجان
================
هالخبر من هل المصيبة كل ﮔلب مسلم يصدعه
يلﭼم جروح الزﭼية وما أظن تﮓدر تسمعه
من اجل محبس يشيعه حسين هم ﮔطعوا أصبعه
وفوك راس الرمح راسه وزينب أتحشمه وتفزعه
منه النحر مكَطوع ---- وراسه برمح مرفوع
ضل يقرا بالقرآن ---- بچه الانس والجان
=================
ﮔومي يا بضعة محمد ما دريتي بهل المصايب
زينب وسكنه ورقيه فرجه صارن لللأجانب
النار شبوهه بخيمهن وشافن أهوال وعجائب
جم طفل جم طفله ماتت من كثر ذيج النوايب
يالزهره والأطفال ---- من شدة الأهوال
هاموا على الوديان --- بچه الانس والجان
==================
ﮔومي يا بضعة محمد شوفي أعيال الرسالة
اليوم مشوهن سبايه من عكَب ذيج الجلالة
لبن مرجانه وبعدها لليزيد ابن الظلاله
أعليهم سياط أتلوه والعليل بأشد حالة
هذا علي السجاد --- بكَيد وحبل ينكَاد
أيصب الدمع بركان --- بچه الانس والجان
والأشد حاله رقيه حين شافت رأس أبوهه
حضنته وكَامت تشمه چان ظنهم سكتوهه
خمدت الأنفاس منه من أجوهه وحركوهه
فوك رأس حسين أبوهه ميته هالطفله لكوهه
هالطفله فوﮔ الراس --- عافتلك الأنفاس
ما شافت الجثمان ---- بچه الأنس والجان
= === === === === === =