لجلالة هيبتج يستحي التاريخ

وسطرلج ملاحم بين صفحاته

يا بضعة محمد وام الاطهار

حمل كل خصله منج وسط ورقاته

اوصفج بالشعر حاولت يازهراء

عاتبني القلم من كثر صفناته

كال اكتب اْسمهه فقط لاغير

بلكي برسم اسمهه تعرف معناته

كبلك حاولوا خطوا دواويين

ماكدروا يجون اْلمعنه طياته

ولاْن اْسمج مؤنث حير التاريخ

وفطاحلت العلم ماوصفة ذاته

يا اْم الحسن وام الشهيد حسين

اْلبطف كربله تخلدت صولاته

ويا اْم الصبر وام زينب الحوراء

اْلبلغ منهه الصبر وتعده ذرواته

اْذن سرج اْلآهي وما تدركه عقول

واصعب من سحر موسى وحته عصآته