منتدى جامع الائمة الثقافي - دين الله الرسول بهل الرزية

منتدى جامع الائمة الثقافي (http://www.jam3aama.com/forum/index.php)

- منبر الشعر الشعبي والقصيدة الولائية (http://www.jam3aama.com/forum/forumdisplay.php?f=53)

- - دين الله الرسول بهل الرزية (http://www.jam3aama.com/forum/showthread.php?t=5512)

دين الله الرسول بهل الرزية

دين الله ورسوله بهل الليالي
مثل حال الغريب وبيته خالي
مثل طفلة يتيمه بليه والي
مثل مؤده من تندفن حيه
------------------
من دم الأمير أتخضب الدين
حاير مبتلي ينطي الوجه وين
مثل أنسان من يفگد ضوه العين
يظل كل لحظة يتمنه المنية
-----------------
آيات وسور فگدت أملها
مثل أم ينذبح يمها طفلها
حاير بيش أصبرها وشگلها
تريد تنوح وي بنت الزﭼية
-----------------
أشهل خطب العظيم اللي دهانه
بهل ساعة أنهدم ركن الديانة
أرضنه تموج وحمرت سمانه
الوصي ينعاه ظل صبح ومسيه
---------------------
أنثلم أسلامنا ثلمه ﭼبيرة
من طبرة وصي الهادي أوزيرة
وآهل بيت النبوة أبأشد حيرة
كلها أتفجعت بخير البرية
--------------------
قالع باب خيبر شالت الناس
ما يگدر يگوم معصب الرآس
زينب شافته صاحت يعباس
تيتمنه يبو فاضل سويه
-------------------
صدع گلب العقيلة عظم المصاب
من شافت أبوها داحي الباب
الشطر مرحب علي هازم الأحزاب
يگيدونه الحسن وحسين أخيه
------------------------
بساعاته الأخيرة أيوصي حيدر
بالمعروف أمرنه ونهي المنكر
بالصوم وصلاة وحج الأكبر
والأصلاح مابين الرعية
------------------------

رد: دين الله الرسول بهل الرزية تخضب من دمه حامي الحميهدين الله ورسوله بهل الرزية --- تخضب من دمه حامي الحمية ================================ دين الله ورسوله بهل الليالي مثل حال الغريب وبيته خالي مث

اقتباس:

من دم الأمير أتخضب الدين
حاير مبتلي ينطي الوجه وين
مثل أنسان من يفگد ضوه العين
يظل كل لحظة يتمنه المنية

عظم الله لك الأجر أخي الغالي
وجعل عملك في ميزان حسناتك وثبتنا الله واياكم على ولاية أبا الحسنين عليه السلام

موفق بإذن الله ... لك مني أجمل تحية .

رد: دين الله الرسول بهل الرزية

بسم الله الرحمن الرحيم
موفق بإذن الله ...
شـكــرا وبارك الله فيك