منتدى جامع الائمة الثقافي

ميت ادري بس شو واهسك مكسور
انه امك ملامح كبرك اقراهه
جنك تدري ولفك لاحه جف الغير
وصعدت نار كبرك والله طفاهه
شني مالهتك يايمه وحشة موت
انته ابمكبره وهم روحك وياهه
انته اول عشك بين المكابر عاش
يمه ابيش احلفك حتى تنساهه
وين اتخلي حزنك والكبر شبرين
مكانك مختنك مومال تهواهه
كطرت مي ورد علكبر ماخليت
تفطر حجر كبرك من اخليهه
شايل حسره مطفيهه طاست ماي
اذا دفنك ابدجلة مايمض بيهه
طعناتك تجي ابلاخدر تالي اليل
ماشافن ستر مالابسات اهدوم
واني ابيتنه وحسيتك انداريت
مدري امنلوجع مدري تريد اتكوم
احرورت غيرتك وصلت الباب البيت
احس بحرورتك حتى ابتصاويرك
كل الهلهلو بجنازتك شمات
نفسهم هلهلو من راحت الغيرك
تجر حسره الصبح والموته يلتفتون
سولفلي ابحسرتك من يجيك اغروب
يمكن شعر جلد الفاتو من ابعيد
يوكف والكلوب اعله الصدور اتذوب
امنقارن بينكم كدامي بس الموت
وتصعد حسرتي ويه الدموع اتسيل
تخنت ذكرياتك ونته شابع موت
وهيه ابخظن غيرك جتهه خلوة ليل
عليك اشكد بجت تاليهه مدري اشلون
المالحته امس جف غيرك ايلوحه
ماادري انه يمه الدمع ماصخ صار
مدري ابروحنه ماضلت املوحه