منتدى جامع الائمة الثقافي - لطمية هــلا بــيــكـم يـازواري هـلا بـيـكـم...تـزورونـي للتحميل

منتدى جامع الائمة الثقافي (http://www.jam3aama.com/forum/index.php)

- منبر قم جدد الحزن للمراثي والاحزان (http://www.jam3aama.com/forum/forumdisplay.php?f=66)

لطمية هــلا بــيــكـم يـازواري هـلا بـيـكـم...تـزورونـي للتحميل

بسم الله الرحمن الرحيم ( لتحميل الصوت من اسفل الموضوع)
اللهم صل على محمد وال محمد وعجل فرجهم والعن عدوهم
هذه لطمية للرادود الحسيني باسم الكربلائي وهي من اصدارات سنة 1432 هجرية
القصيدة انقلها لكم بطريقين كتابة وصوتا
القصيدة كتابة :
تــزورونــي... تــعــرفـونــي شــفـيـع إلـكـم
أســامــيــكــم ...أســجــلـهـا أسـامـيـكـم
هــلا بــيــكـم يـازواري هـلا بـيـكـم...تـزورونـي

وحـق جـف الـكـفـيل وجوده والرايه ...انا وعباس وياكم يمشايه
يـامـن بـعـتـو النفوس وجيتو شرايه...علي واجب اوافيكم ياوفايه
تــواسـيـنـي شـعـايـركـم..تـرويـنـي مـدامـعـكـم
أواسيكم انا وجرحي أواسيكم...هلا بيكم يازواري هلا بيكم...تزوروني

هـلا يـالـ مانسيتو ع الوعد تحظر ... اجيت ولا يهمك لا برد لاحر
وحـق دمـع العقيله وطبرت الاكبر... احظرك مااعوفك ساعة المحشر
عـلـى الـمـوعـد اجـي يـمـكـم ... ولا ابـعـد واعوفنكم
محاميكم وحق حيدر محاميكم... هلا بيكم يازواري هلا بيكم...تزوروني

يـاهـل شـايـل الرايه وجاي قاصدني... تعرف رايتك بيمن تذكرني
بـالـقطعوجفوفه وصاح لدركني ... صحت ويلاه ياخويه والظهر محني
كـسـر ظـهـري سـهـم هـجـره ... نـفذ صبري بعد عمره
اوصيكم على الرايه اوصيكم... هلا بيكم يازواري هلا بيكم...تزوروني

يـامـن قـاصـد والدمعه تجريها ... اعرف حاجتك مو داعي تحجيها
وحـق نـحر الرضيع الحاجة اقضيها ... يازاير عاهدت كل عله اشفيها
اخـو زيـنـب فـرح بـيـكـم ... هـلا ومـرحـب يـناديكم
يـحـيكم ابو الغيره يحيكم ... هلا بيكم يازواري هلا بيكم...تزوروني

زيـنـب مـن تـشـاهـد تـزوروني... تناديكم لون بطف تحظروني
مـاامـشـي يـسـيـره ولا يسلبوني... ولا بسياطهم قدرو يضربوني
تـنـاديـنـي انـا بـحـيـره ... واصـد عـيـنـي لـبو الغيره
ابـجيكم على مصابه ابجيكم... هلا بيكم يازواري هلا بيكم...تزوروني

القصيدة للتحميل كاملة اضغط على العبارة التالية
يا حسين يا شهيد

السلام عليكم ورحمة الله وبركاته
جزاك الله الف خير اخي العزيز
على هذه القصيدة الرائعه
تسلم ايدك

مشكوررررررررررررررر

بسم الله الرحمن الرحيم
اخوتي في الله اشكركم جزيل الشكر على المرور والتعليق

السلام عليكم اخوتي الاعزاء وشكرا لجهودكم الكريمة لكم الف شكر وامتنان ولكن ارجوا ان تعلموني كيف احمل هذه القصيدة بالصوت وشكرا

السلام عليكم ورحمة الله وبركاته
اولا :ارحب بك اخ عزيز بيننا واسال الله جل وعلا ان تجد في هذا المنتدى كل ماتتمناه
وثانيا: يمكنك التحميل باتباع الخطوات الاتية:
1- اضغط كلك ايسر على الصورة المرفقة مع الموضوع
2- سوف تظهر لك الصفحة بهذا العنوان(Media Fire)
3- ابحث عن هذه العبارة ثم اضغط عليها كلك ايسر وسوف يبدأ التحميل واحنا بالخدمة لاي سؤال

Click here to start download..

مشكور خيو على الطرح ..
و حفظ الله باسم الكربلائي

سلام عليكم مولانا الاعزاء جزاكم الله خير الجزاء لكن اود اعلامكم ان قصيدة هلا بيكم يزواري صارلي يومين اريد احملها من موقعكم ما اعرف والسلام اذا اكو حل اكو واذا ماكو نروح للسوق نشتريها بعد ماكو حاجة نأخذها من الموقع لان صراحة تعبت وما حصلتها من موقعكم

اخوي العزيز
عبد عون الغالي تروح لهذا الرابط
http://www.mediafire.com/?5sjuncd3f24wfmp#1
بعد ما تفتح الصفحة تنتظر قليل وتظهر جملة باللغة الانكليزية داخل مستطيل بهذا الشكل
click here to start download
اضغط عليها هناك وستحمل القصيدة
وان شاء الله احنا في خدمتكم

مشكوريييييييييييننننننننن جزالك الله خير