منتدى جامع الائمة الثقافي - قصيدة قديمة بحق السيد الشهيد

منتدى جامع الائمة الثقافي (http://www.jam3aama.com/forum/index.php)

- منبر الشعر الشعبي والقصيدة الولائية (http://www.jam3aama.com/forum/forumdisplay.php?f=53)

- - قصيدة قديمة بحق السيد الشهيد (http://www.jam3aama.com/forum/showthread.php?t=21351)

قصيدة قديمة بحق السيد الشهيد

قصيدة قديمة بحق السيد الشهيد الصدر المقدس ( سلام الله عليه ) لا اذكر كاتبها ولكنها جميلة جدا

بيش أرثيك وبيش أبجيك ...... وبيش اللطم ونوح عليك
أذا بكل الشعر ارثيك ..... وأذا ليل ونهار أبجيك
وأذا شكيت كلبي عليك أنا وكلمن يحبك ...... ويتعلك بيك ربع الربع ماظن نكدر انجازيك
شنجازيك يلتطلبنه عمرك بيمن نوفيك ....... دين بركبة المديون دمك صار
ومثل ماداينت وأنطيتنة ننطيك ...... بغير الدم تراه الدم فلا ينقاس
يلوفيته بدمك مثل عباس ..... صدرك صار جربة ازرفت للناس
روتهم ضمير ومرجلة وأحساس ..... ياتاج العلم ياهيبة يانوماس
العلم والدم أهن تاجين ..... فوك الراس أنجمعن بشخصك واستقرن بيك
أذن ماترهم أنت بغيرك نساويك
يالمولم خشب تابوتك من سنين ومتحضر الموتك وين ميلاكيك
الوادم ترجف شمايمر طاري الموت .... وانت الموت يرجف من يمر طاريك
يعريس المناية المارضيت بثوب ..... اله الثوب الأبيض فصلوه عليك
سفينة المنبر وانت عليه شراع .... ثابت ماتهزهز بالهوه طاريك
تموت الدنيا حدر جدامك وتنهار .... وأنت الجبل ثابت ذاك ثكل البيك
ثارت بالسماء السابع صدى الجيلات .... وفزع جبريل لجروحك يضمد بيك
ومن جاك الرصاص الحار مافزيت ...... ثبتت بالأرض أكثر بعد رجليك
حشى لا ماطحت ياسيدي على الكاع ...... طحت على السماء من دنكت تبجيك
طحت بحضن أبو الحسنين .... والدم سال بجفوف الحسين
اللهم خذ قربان أهل البيت ....... اللهم خذ أبني محمد اذا يريضيك
وأظن المجتبى يمسح بوجهك جان ..... والزهرة الزكية التنحب وتبجيك
والتسعة الحجج حملوك بالتشييع ....... وأبو القاسم محمد واكف أيتانيك
وابو القاسم محمد واكف يتانيك