((زهيري حسيني))

((زهيري حسيني))
شما دار بية الوكت ومن ضيمه يشمر...عليً
بآل الرسول أبقى أنه رغم المصايب...عليً
الله اصفاهم ألة سبحانه قـــــــــــــادر...علي
إعله الخلايق شرف زادوا فضل ...مرتبة
واليبغض آل النبي صدك أبد ...مرتبة
أسماء نور وعلم ثق بالعرش ...مرتبة
وغير النبي وعترته هذا الكلب ...مرتضى
وظلوعي لو كسروا وأعظامي أحس ...مرتضى
ماعوف حب الولي وأبقى آنه أحب ...مرتضى
صهر الرسول الذي منذ المهد...حيدره
بس بالعدل لو حكم الميت دره...وحيدره
تشهدلة خيبر بقت يوم البرز...حيدره
عالأرض خلة الجثث وبدماهه صدك...طفت
ونار الغدر والفتن بحيدرنه يامه...طفت
يومية أحس بالحلم جني بحضرتك...طفت
يالبيك دوم أفتخر معصوم أبد ...منزلة
كلك شهامة وفضل وعند الله إلك ...منزلة
من الرجس والذنب طاهر يظل...منزلة
آخره ودنيا انسعد كل الذي ...بايعة
الرايد حقيقة أكصده والرايد علم...بايعة
ماريد غيرك أبد وعمري آنه إلك...بايعة
روحي وركبتي إلك مولايه ترخص...عمر
حج كلبي في حضرتك وبيكم يحيدر...عمر
ولوما علي وقدرته جا هلك صدك ...عمر
أعجازه ماينتهي بقرآن ربك ...ورد
والشمس من فاتته رجعهه حيدر...ورد
عطشان ضامي الكلب ومن بحر جوده...ورد
من كلشي يروه الكلب لو يم حضرتك...يصل
يالحبك أنته الصله بالباري أشهد...يصل
الما يوالي الولي لو عمره يكضيه...يصل
ما ينجه يوم الحشر بس اليولي...علي

الكلمات / محمد العَـلوي البغدادي

اللهم صل على محمد وال محمد وعجل فرجهم والعن عدوهم
جميل جداً
سلمت الانامل التي خطت هذه الكلمات النورانية بحق آل المصطفى صلى الله عليه واله
وسال الله لك دوام التوفيق

اللهم صلّ على محمد وآل محمد وعجل فرجهم والعن عدوهم

كلمات رائعة .. شكراعلى النشر

ابداع وتالق وفقك الله لكل خير

اللهم صل على محمد وال محمد وعجل فرجهم والعن عدوهم أحسنت وموفق