الاشعار في مدح السيد القائد الصالح المصلح مقتدى الصدر ( دام عزه )

بسم الله الرحمن الرحيم
اللهم صلي على محمد وأل محمد وعجل فرجهم وألعن عدوهم

1‏_ على كل تاج اسمك مقتدى تاج
يا اسم الشعب حب الشعب صيتك
ما نگدر نفيس التتن وية العاج
لأن انته ذهب والدرر شخصيتك
لا تأشر بصبعك تتعب نخاف
أشر للزلم بس كضها عوچيتك
نطيح نروح فدوة لخرزة العين
نطاقك والدرع ونصير بيريتك
نصير مداس حدر الجدم ونروح
ولو نعرفها ابد مو هاي تربيتك
يترباية علي واخلاق اهل البيت
لأن كلها اجت والله من بيتك
گالاها الصدر كلا على الشيطان
وانته الصدر نفسة وهاي روحيتك
‏( كلا) هم گلتها بوجه الامريكان
وگلتها اني وراك بهالچفن جيتك
وكل هذا الوطن وبأسمك يصير
لأن انته العراق بأصل صدريتك
انته اصل الزلم كل المراجل بيك
وعلى حچيك تزامط لفها خاچيتك
اطلع للشعب ينتضرك اليوم
يا هو الما يجيك وياك خرجيتك
مال الشعب لاهله وما تمدله الأيد
والأيد الطويلة تگصها يا ريتك
نعرفك ما تحب الذلة لا والله
لأن نهجك حسيني ومن حسينيتك
نگطع نحود كلمن يگطع الماي
ونرد ارض الطفوف وترد عافيتك
حبيتك يسيد تعرف شلون
جمعت العراق وبيه حبيتك


اشراف وتدقيق لغوي وتنقيح
الشاعرة ام رائد الكعبي
2‏_ اذا حبك ذنب وصلوله للتاريخ
انا وال شخص هالذنب يرتكبه
مو عيني ارخصلك يسيد ها
علمودك ونهجك ترخص الرگبة
وعلي سيدنا ندخل نار اذا حبيت
عشاق المخاطر نهوى كل صعبة
علمنا الصدر من نلبس الاكفان
نترك هالحياة واحنة البدربه
نعاهد سيدي المقتدى هذا اليوم
فوگ اهل النفاق بأسمك الضربه
وعلى اهل الفساد نصيح يا مولاي
نعيش احنة بوطن ونموت في حبه

للشاعرة ام رائد الكعبي

اشراف وتدقيق: فرقد الربيعي

أحسنتم طيب الله انفاسكم ووفقكم الله

وَعَذَلْتُ أهْلَ العِشْقِ حتى ذُقْتُهُ 💔
فعجبتُ كيفَ يَموتُ مَن لا يَعشَقُ😌
احسنتم طيب الله اتفاسكم

احنة انصار الصدر
بينة من عندة عطر
ومقتدى قائد فخر
نفدي اله كل العمر
اعاهد الله والسيد المصلح بأن قلمي باق على نهج الحق ونهج الاصلاح ما دام النفس في يصعد وينزل

احسنتي شاعرتنا كلماتك عجيبة بل وحتى مرورك لذا واجب ان تشتعل الدنيا بالتعليقات