وبروحي عباس . لطمية

من زغره ما يوم اعتذر ** يتركني هيهات بخطر
عباس طايح عا لنهر ** وبروحي عباس

*************************************

عباس مو روح وجسد * بعيوني بس غيره وعد
عباس بالطف انولد
وبرايه ملفوف
من زغره اخوي اتخيله* ضم الجفوف الكربله
يحسهن امانه ومو اله
لحسين الجفوف
ما ترضه امه باي جرح * مواعدهه بالطف ينذبح
ايشوفونه راس اعله الرمح
وبروحي عباس

من اعيونه بس وحده الكمر* ما ضحه بثنين اعتذر
لحسين يدري اعله النهر
اشوفه الاخيره
من ناده الحسين وحضر *حاول يحضنه وما كدر
صد اعله صدره وعالنحر
حيره اعله حيره
ايودعني راد وما ردت *الرايح يودعونه صحت
وبعيوني واكف ما طحت
وبروحي عباس

شايل وصط عينه الحرم *كل حلمه يوصل للخيم
كل احنه صوبنه السهم
من صابه بالعين
زينب وعرفنه الكمر * ما ينحني الجف القدر
ما طاح ميت عانهر
ميت عالحسين
ما يحسب احساب العده * بالحومه جنه الوحده
شايلته بعيوني نده
وبروحي عباس

عباس ابد ما ينحسب *ولا ينوصف لا ينكتب
عباس ما ميت جذب
بعيوني موجود
ولهسه بعده اعله المهر *واكف يتجيله الصبر
رايح يجيبلهم عمر
لايتامه بالجود
الخاطر رقيه الوصته * بيساره ضحه ويمنته
يا موت يمنع شوفته
وبروحي عباس

مصطفى المياحي

اللهم صل على محمد وال محمد وعجل فرجهم والعن عدوهم
بوركت اخي الغالي وشاعرنا المبدع على ما جادت به قريحتك
جعل الله ما كتبت ي سجل حسناتك

اللهم صل على محمد وآل محمد وعجل فرجهم والعن عدوهم
قصيدة رائعة جداً
احسنت شاعرنا المتألق
حفظك الله ووفقك للمزيد ببركة الصلاة على محمد وآل محمد

احسنت عزيزي وعظم الله لكم الاجر
اتمنى ان اسمعها بصوت احد خدام الامام الحسين عليه السلام
بارك الله فيك ووفقك الله للمزيد بحق الحسين عليه السلام.

لللهم صل على محمد وال محمد وعجل فرجهم والعن عدوهم
احسنت شاعرنا لكريم جزاك ان شاء الله على سيدنا
ابي الفضل العباس عليه السلام
وتألق اكثر فأكثر