|
|
|
|
|
|||||||
| منبر الشعر الشعبي والقصيدة الولائية واحة للشعر الشعبي العراقي والعربي |
 |
|
|
|
أدوات الموضوع | انواع عرض الموضوع |
12-12-2014, 09:08 PM
|
#1 |
|
|
مجلس اربعينية الامام الحسين عليه السلام
اربعينيه ((كعده)) (( نار الباب)) @@ *************************** نار الباب ونار خيمنه**ضلعݘ وضلوعه تالمنه يايمّه بعدنه أوردّينه يايّمه حسين أمتانينه**ضلعݘ وضلوعه تالمنه ***************** ******** يمه اسولفلݘ ودمعـــــــــي **مانشف للساعه يمّـــــــــه عيني شافت ضلع دامـــي**وبالگلب خلالي لجمــــــه وصار صبري وياي يكبر**رافگ اسمي وصاراسمه حيدره محرابـــــه بݘـــه ݘبد الحســــن سمَّه شݘه الگلب سولفلــــي أشحݘه عن ضلوعه أوفيض دمه ليل موسَّد ناطـــر دفنه // اخذونه الظلاّم أورحنه يايمّه ظل حاير بينه**يايمّه حسين أمتانينه **************** يمه اخذوني يسيــــــره ** بردني اتستر الحالـــــــــي وصرت الوذ بين همّي**وصرت الوذن أبخيالـــــي سوط فوگ المتن يشـهد** وراس فوگ الرمح عالـي خلَّيته ابن عقد الــولــه جثه سليبه مرمـلـــــــه من ݘفنّه من غســــله وصار حال الظيم حالــــــــي وأيتامي شردت مرعوبه // ادَّورعن واليها وصوبـه يمه ماظل ݘف يحمينه**يايمه حسين متانينه **************** ياوكت طف كربله اوصل**وتحݘي دمعاتي أويّ گبره عالوجه مگلوب عفتـــــــــه** شرّف الطف دمه نحـــره ريتها لضّلوعي رضَّــــت **الخيل من داست ابصـدره نار الِّي بابݘ حرگتـــــــه حتَّه المخيـــــــــم لهـــبته حقد السقيفه جابتــــــــــه اصلاب من اصلاب قذرة شوكت اوصل واشتم من طيبه // وجروحي ما إلهن طيــــــــــبه يايمّه فراگه ماذينـــــــــــــــــــه**يايمّه حسين متانينه **************** يمه أمشي أوياي أَگعــــــده**أحݘي ماريدن عتابــه جرحي ادري جِرَح كَلبـه **فوگ لوعاته أوعذابــه جرح الاكبر جرح جاســم**جرح عباس أومصابه ظهر المنيـَّــــــه من سرج اتشوفــــــه بالموت ابتهـج وصحبته الضَحت بالمهج بالدمه وافت اصحابــه وعباس العامــود بهامه // طاح وخلاني منـــظامه يايمّه بݘفينه أوعـــينه**يا يمّه حسين متانينه *************** طفل گمطنّه زهوره **طري غصنه وبعده مايل والعطش يبَّس شفافه **شأخذ منهم بالمقابـــــــــل السهم ينحَر وريـــده **نزف دمَّـه أو ورده ذابـل عطشان وبنحره انرمه وگماطه سابح بالدمـــه بعيوني دنيه مظلمـــــه هم لزم سيف ويقاتـــــل رقيه بأرض الشام إدفنّه // طيرين اترفرف بالجنـه يتيمه ومفطوم أمأذينــــه**يايمه حسين متانينه ***************** يُمّه ياليل اليمرنــــــي**أتهيج روحي ونـار تسعر اظلم اليــوم الاصّبحه**گلت اصبّر گلبي واگــدر ابقه بجروحي اداوي**وݘبدي يــابضعه تفسّـــر ضل اليتيم بدمعتــــــــه بالغربه صارت سلوته تصعب عليَّه شوفتــــه وانتي اعرف بعد اكثر دم نبݘي وتبݘين علينه // هَــم امصّبحنه امسّينه يايمّه للطف ماشينـــه**يايمّه حسين متانينه === ((2)) أربعينية ************ بهظم والم ردت المهظومه ***************** ردت ام الحزن والدمعــــه عبر**وحمل فوگ إمتونها أيهِّد الظهر راحت أورجعت بدروب الخطر**دمعه دمعه من تصب مالومــه **************** نمشي وياها عله آثـــــــــــــــــــارالݘدم **من المصايب حيلها نـــدري انهدم أوياها خلِّي أنواسي دمعات الألــــــــــــم**محنـــي ظهرام الحـــزن مهمومه *************** خطوه خطوه نوصــل الارض الطفوف **أنزور گبـر حسين بالدمعه نطوف عالشريعــــــــه انروح يم راعي الجفوف**نســــــــــأله عـــن العمد وعلومه ************** وصلــت بياحال طفها ام الحـــــــــــزن **تلطم أعلـــه الراس أتنوح وتـــون تگله عمه وين اخويـــــــــــه منــدفـــــن**سمع بيها ردت المظلومــــــــــــه *************** المواسي ألها بالغربـــــــــه الصبـــــــر**غصب عنها صار بالطف الهجـــر تگله يابـــو اليمـــه المصايب تمـــــــــر**والاشـــد منَّك صـــــرت محرومه ***************** جبـــل عدها شايلـــه بين الضلـــــــــوع** شلون تصبر على اطفالــه التلوع من عله گبر ݘعت يـــوم الرجـــــــــوع**من ثدايـــــــــــــه النّايبه مفطومه **************** تگله خوي الك اشكـي أمصيبتي**والله حال الضيم حالي بغربتــــــي آه يا مذبوح زادت علِّتــــــــــي **الدمعتي يبݘي الگمر وانجومـــه ************** تريد تحݘي وياه عن كل المصاب**موقصدها ويّ ابو الضيم العتاب تگله راح الاكبر وزيـــــن الشباب**خيمته آضلمّت وتبجي همومه ************** غاب عني الحمه ظعني من الخطـــر** ومن يبـــاريني برحلتــــــــي والسفر راح ابو فاضل العباس الكــــــــــمر **الوفه بطبعه وغيرته من يومــــــــــه ************** تشكي حــــــــــال اليسر من شتموها**وعالمتن بالسوط من ضربوهـــــا حتى من البݘي هم منوعـــــــها**جروح ماطابت تظل ملݘومــــــه *************************** بليلة اربعينه **للطف اعتنينه عليه دليني يل السجاد يعمه عنّه كافي ابعاد**للطف اعتنينه *************** عشت بحزان گلبي ساعة اوداعه **عمري ماأريده رايده الساعه هاي اطباع اميه اطباع خدّاعه**بعد موته عله صدره الخيل فزّاعه يعمه وين اخوي حسين وين دفنته گلي وين **وشكي الصار بينه ************* دلاني أعلـه گبره وحضنت لتراب ** والدمع بمراره من دمه سݘّـــــاب ادري بگلب اخوي أبعلّتي منصاب ** لنسيته ونساني من عهد لمصاب يالعطشان حاجيني سهم لفراگ ماذيني ** دمعتي تصب حزينه ******** خذوني ياولي مابين وادي أو واد **وعنّك السألني ردي أله مافاد وصلت يزيد مالومه وبن زيـــــاد **ردت عليتك لاحادي بيها العاد گوّه نشهگ الانفاس نلطم عالصدر والراس ** ولا ظل ݘف علينه ************** ماريدن اجرحك بالمضه والراح ** الجسد والروح مليان بهظم وجراح الاكبر جان طيب وللگلب سبــــاّح** وجسّام الوديعه گبال عينك طــــــاح ظهرك منحني ومالوم وعيونك تصب دموم** مرارك مانسينه ****************** هاي اطفالك المرعوبه من ألها ** رحت عنّي يغالي وراح كافلها عفتني بحيره شيلمه الشملهــــا **شملها الظيم من بعدك شملهـــــا لاوالي اليحامينـــــه ولاحضن اليراعينه ** يتاماك احنه جينه ************* الك اعظم اجر بمصاب ساقينه **اخو خيته الوفي بيمينه حامينه شلون انگطعت عله الجود ݘفينه **لجل الماي حين الراد يزگينه بطبرة راســــه والݘفين وصاب السهم منّه العين** وفه وحنه انولينه ************* ياگطرة دمه يحسين نوفيهـــــــا ** وغربة زينب أو ونها وبواجيهــــا رحت من عدها يامظلوم تاليها ** عگب عزها وخدرها اعداك سابيها عهد وياك ماننساك ودمه يتصل بدماك **لاخر گطره بينه **للطف اعتنينه ********** اسم القصيده( صرخة الضعن) (أربعينيه)) @@ ==================== رد الحزن والنوح**يصرخ أيا مذبوح بعد اليسر **وين الگبر **زينب تنادي حسين ****************** بالحزن ردت زينب امگبعه ابهم**ودموعه اتسيل اعله خدها من دم طبع الجرح بالگوه ايطيب او يلتم**وتراب گبرك الجرحها بلســــــــم كل العلل بيها**انته التداويها ادگ عالصدر** وين الگبر**زينب تنادي حسين ***************** اتريد تجعه اعله الگبر وتحضنك**ملهوفـــه ردت گوَه راحت عنَّك اتگلك يخوي انسيتك اّنــــي ظنك**بخرابه وسط الشام وسمع ونَّك نهاري صاير ليل**والحمل هد الحيل مل الصبر**وين الكبر** زينب تنادي حسين ****************** وصلت لعد جثّتك المذبوحــــــــه**لتلث ليالي عالثره مطروحه اسمع ونين الكلب منها ونوحه**اتمنت ابطفك باقيه ومذبوحه من الجره والصار**المهجه شبت نار دمعه جمر**وين الگبر**زينب تنادي حسين ***************** اتحاجيك من گبرك تريد جوابــــك**جيتك يغالي والضعن لعتابك كل وحده عدها جرح من أمصابك**يابو علي اثر علينه غيابــك اسمع بجي الايتام**يشكي سبي الظلآم من اّهل الغدر**وين الگبر **زينب تنادي حسين ***************** الجدي تگلّه أرد وأمّـــــــــي الزهره**وسݘب عله الگبرين دمعه أوعبره ودموعي تندب ظامي گطعوا نحــــره**وݘمالــه عشر خيول داست صدره ييمه مفجوعه**متكسِّره ضلوعه ضاع العمر**وين الگبر**زينب تنادي حسين ************************************************ اسم القصيده(حبيبي ياحسين) ((أربعينيَّه)) @@ ====================== حبيبي ياحسين **جينه ابدموع العين انلاكي الضعن**ألّي امتحن** باليسر والالام ********** طول الدرب تبݘي ونبݘي أوياها**ونتعثَّر ابخطواتها أوممشاها اشحال العزيزه اگعد اتلكاهــــــــا**صار الحزن عنوانها ولواهــا نوصل ابلمتنه**عالگبر گعدتنه لميسّره **تشكي الجره**من ولية الظلام ********** من عافت الجثه غصب وبياحـــال**مذبوح ظامي والݘفن ذاري ارمال مهظومه حگهه لو دمعها دم سـال**تشكيلك اّثار الضرب والحبـــــــال تريدك تعاينها**انته التاّمنها وكل النسه **حملن قسه**ويّاهن الايتام ********** هذي عزيزة فاطمه غريبــــــــــــــــــه**عدهه الصبر ماينگحم عجيبه اّهن علــــــــــــــى زينب بهل المصيبه**الايمانها هذا القدر ضريبــــه دفعته حزن أو ويل**شامخه قوّه وحيل ثورة صبر**منها الفجر**وترفرف الاعلام ********** ماگدر الطاغــــــــــي يزيـــــــد أيذلها**وألله عليكم هاي مايقبلهــــــــا الرحمات انت،،،،وا والموده اصلها**هاي المصيبه اشخلة من اهلها اهل الكرم والجود**للدين روح اتجود البيت الوفه**هاي الصفه**شما جارت الايام ********** يسحين بسمك نـــــــــادت وعضيدك**يابوالفضل هالساعه يمّي اريدك ياظالم العتره بعـــــــــــــــــد شفيدك**يوم الحشر دم الرســــول ابئيدك اعلينه كد كيدك**لوتصب كل حقدك من نهضته **ابدم ثورته**تتحقق الاحلام ****
|
|
|
|
| مواقع النشر (المفضلة) |
|
|
 |
 |
العرض العادي
