قصيدة بمناسبة شهادة سفير الحسين مسلم بن عقيل عليهما السلام

أعزي سادتي وقادتي المععصومين عليهم السلام وسيدي القائد المجاهد مقتدى الصدر وأخوتي في الله جميعاً بذكرى شهادة سفير الحسين باب الحوائج مسلم بن عقيل عليه السلام وأنقل لكم هذه القصيدة وأسأل الله التوفيق


مسلم ... مبعوث للكوفة وصل ... مسلم
لاخوف عنده ولاوجل ... مسلم
فارك عياله والأهل ... مسلم
ــــــــــــــــــــــــــــــــــــــــــــــــــ ـــــــــــــــــــــــــــــــ
حسين أرسل مسلم لديرة الكوفة .. بها المهمه .. بها الرساله
من أهل بيته وثقه ويحمل صفاته .. ابن عمه .. بها الرساله
مايهمه حتى لو ضحه بحياته لأجل دينه .. وسفك دمه .. بها الرساله
يحمل ... أعظم رسالة بسفرته ... يحمل
البعثت رسايل عرفته ... يحمل
وياه للكوفه أمل ... مسلم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
بالبدايه تلكته الناس برحابه .. من وصلهه .. قدمتله
من مواثيق وعهود الكوفه كلهه .. وكل أهلهه .. قدمتله
بايعت مسلم الكوفه عله الرساله .. وبيه أملهه .. قدمتله
صاحت ... يامسلم إحنه عله العهد ... صاحت
الكوفه الك كلهه سند ... صاحت
ثابت عهدنه بلاملل ... مسلم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
من بعد هذا الجره إختلفت الكوفه.. وكل طبعهه .. بالخيانه
ناس ماعدهه وفه ومفضوح سرهه .. وكل وضعهه .. بالخيانه
عرف مسلم هالعهد مابيه أمانه .. ومن سمعهه .. بالخيانه
غدره ... بالكوفه ضد مسلم جرت ... غدره
بيهه الخيانه توضحت ... غدره
غدروه أصحاب الدجل ... مسلم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
وسفه ظل مسلم غريب بلا مناصر .. سال دمعه .. وحار بامره
غدرته الكوفه واهلهه ياحسافه .. صعب وضعه .. وحار بامره
وكف حاير مسلم وبس الينصره .. حرمه طوعه .. وحار بامره
حاير ... مهظوم ظل بوحدته ... حاير
لاأهله يمه واخوته ... حاير
للساحه وحده من نزل ... مسلم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
اباب طوعة من وكف راعي الشهامة .. بدمع هامر .. بلا مناصر
طلب منهه الماي يشرب يطفي ناره .. جبده شاجر .. بلا مناصر
سألته شنهو وقوفك اباب داري .. وكف حاير .. بلا مناصر
كلهه ... يا طوعة اني ابن النسب ... كلهه
معروف عد كل العرب ...كلهه
حشمت صاحت يا بطل ... مسلم

للشاعر خادم الحسين ابو حيدر الرماحي

اللهم صلِّ على محمد وآل محمد وعجل فرجهم والعن عدوهم
السلام على سفير الحسين مسلم بن عقيل
أحسنت النشر أخي قصيدة رائعة جداً بوركت

السلام على سفير الحرية سفير الثورة الحسينية مسلم ابن عقيل عليه السلام

وشكرا لذوقك الجميل على اختياراتك الرائعة اتمنا لك التوفيق

اللهم صلِّ على محمد وآل محمد وعجل فرجهم والعن عدوهم
عظم الله لكم الاجر . احسنت وجزاك الله خير الجزاء
تقبل وافر التقدير

جزاك الله تعالى خيرا